ईन्द्र बासुकी सृजनशिल सहकारीमा नयाँ नेतृत्व चयन

चन्द्रागिरी नगरपालिका १ दहचोकस्थित ईन्द्र बासुकी सृजनशिल बहुुउद्देश्यीय सहकारी संस्था लिमिटेडमा नयाँ नेतृत्व चयन भएको छ ।
संस्थाको २२ औं साधारण सभाले नवराज सुवेदीको नेतृत्वमा नयाँ कार्यंसमिति चयन गरेको हो । उपाध्यक्षमा हरिभजन खड्का, सचिव बासुुदेव थापा, कोषाध्यक्ष प्रेमराज गिरी रहेका छन् । यस्तै नर्वनिवाचित सदस्यहरुमा राजाराम गिरी, यामप्रसाद पौड्याल (यमन), गंगाराम थापा, भवानी सापकोटा ठकुरी, जयन्ती बस्नेत भण्डारी रहेका छन् ।
लेखा समिति सञ्जिव महर्जनको संयोजकत्वमा अमर बहादुर गिरी र लालबहादुर गिरीको तीन सदस्य समिति निर्माण भएको हो ।
२२ औं साधारण सभाको अवसरमा संस्थामा एसईइ परीक्षामा सफल हुने शेयर सदस्यका सन्तानलाई नगदसहिद प्रमाणपत्रले सम्मान गरिएको हो । कार्यक्रममा नर्वनियुुक्त कार्यसमिति र पुरस्कृतहरुलाई सांसद तथा संस्थाका सदस्य दयालबहादुर शाहीले प्रमाणपत्र वितरण गरेका हुन । संस्थाले समेत आफ्ना सदस्य शाही सांसद भएको भन्ने सम्मान गरेको हो ।
नयाँ कार्यसमितिले आगामी दिनमा संस्था भित्र देखा परेका समस्यालाई क्रमशः समाधान गर्दै नयाँ कार्यक्रम र रणनीति अनुरुप सफल र संक्षम बनाउने लक्ष्य राखेको छ ।