जहाज दुर्घटनमा परि लोक गायिका छन्त्यालको निधन, शव खोजी कार्य जारी

पोखरामा आज भएको यति एयरलाइन्सको जहाज दुर्घटनामा पर्नेमा एकजना लोक दोहोरी गायिकासमेत रहेकी छिन् । दुर्घटनामा पर्नेमा लोक गायिका निरा छन्त्याल रहेकी छन् । उनी पोखरामा आयोजित कार्यक्रममा सहभागी हुन गएकी थिइन् । विमान दुर्घटनामा परेका ४ जना अझै फेला परेका छैनन । यती एयरको विमान दुर्घटनास्थलमा खोज तथा उद्धारका लागि सशस्त्र प्रहरी बलको गोताखोर टोली परिचालन गरिएको छ ।

सशस्त्र प्रहरी बलको विपद् व्यवस्थापन तालिम शिक्षालय कुरिनटारबाट गोताखोर र रोप रेस्क्यु गरी १५ जनाको टोली पोखरा पठाएको सशस्त्र प्रहरी बल परिचालन गरिएको छ ।
आइतबार विहान पोखराको सेती खोँचमा यती एयरलाइन्सको विमान दुर्घटना भएको थियो । जसमा चालक दलका ४ सदस्यसहित ७२ जना सवार थिए । नागरिक उड्डयन प्राधिकरणले हालसम्म ६८ जनाको मात्र शव भेटिएको जानकारी दिएको छ । शव भेटिएकामध्ये ११ जनाको सनाखन भइसकेको छ ।

हालसम्म ६८ जनाको शव भेटिएको छ भने अन्यको अवस्था अज्ञात छ । उनीहरुको खोजीका लागि सशस्त्र प्रहरी बलको गोताखोरको टोली परिचालन गरिएको हो ।