२१ चैत्र २०८१, शुक्रबार | Sat Apr 5 2025

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

खेलकुद


भारतीय क्रिकेटर गिलको कीर्तिमान



भारतको एकदिवसीय टोलीमा उनको स्थानमा प्रश्न उठेको थियो, किनभने उनी टिम बाहिर रहेको बेला स्थान लिएका ब्याटर इशान किसनले गत महिना बंगलादेशविरुद्ध दोहोरो शतक बनाएका थिए ।

टिममा फर्केपछि किसनको ठाउँ लिएका शुभमन गिलले पनि आफ्नै नाममा दोहोरो शतक बनाएका छन् । टिममा पुनरागमन गरेपछि उनले पहिलो तीन इनिङ्समा ७०, २१ र ११६ रन बनाएका थिए । चौथो खेलमा न्युजिल्याण्डविरुद्ध २०८ रन बनाउँदै आफ्नो स्थानलाई लिएर उठेका प्रश्नको जवाफ दिएका छन् ।

हैदरावदाको ट्रयाक ब्याटिङका लागि सजिलो थिएन, १४९ बलमा गिलले बनाएको २०८ रनको स्कोरपछिको अर्को उत्कृष्ट स्कोर रोहित शर्माको ३४ रन भयो ।

गिलको २०८ रनको मद्दमा भारतले ८ विकेट गुमाएर ३४९ रन मात्र बनायो । यो कुनै पनि ब्याट्सम्यानले दोहोरो शतक बनाएको इनिङमा बनेको अहिलेसम्मकै कम रन हो ।

ब्याटरलाई जस्तै बलरलाई पनि गाह्रो थियो, तर मिचेल सान्टनर र माइकल ब्रेसवेलको लागि अजीब बल टर्न भयो । न्युजिल्यान्डले नियमित रूपमा विकेट लिन थाल्यो । भारतको ४ विकेट गइसकेको थियो । त्यसपछिका ८ बलमा १९, १२ बलमा १७, ८ बलमा १२ र १० बलमा १८ रन बनाए गिलले । न्युजिल्यान्डले ३५ औं देखि ४७ औं सम्म १३ ओभरमा मात्र ९३ रन दियो । गिलले अन्तिम १२ बलमा ३९ रन बनाएर आक्रामक प्रदर्शन गरे ।

टस जितेर ब्याटिङ गर्दै रोहितले गिलसँग मिलेर आक्रामक सुरुवात दिलाएका थिए । तर रोहित ३४, विराट कोहली ८ र इशान किसन ५ रनमा आउट भइसक्दा भारत ३ विकेटको क्षतिमा ११० रनको स्थितिमा थियो ।

मैदानमा गिल उत्कृष्ट देखिन्थे । उनको ब्याक(फुट पन्च, अतिरिक्त कभर ड्राइभ र डिसमिसिभ पुलहरू सबै प्रदर्शनमा गरे । गिलले स्पिनरहरुलाई दबावमा राखे । मिचेल ब्रासवेलको अफब्रेक बाहिरी किनारामा लाग्यो, तर टम लाथमले क्याच छोडे । गिल पछि हटेनन् । सोही ओभरमा उनले छक्का प्रहार गर्दै ५२ बलमा ५२ रन बनाए ।

गिल र सूर्यकुमार यादवले ५३ बलमा ६५ रनको साझेदारी गरे । सूर्यकुमारले डेरिल मिचेललाई सिधै कभर गर्ने क्रममा न्युजिल्याण्डलाई समयमै सफलता दिलाए ।

सूर्यकुमार यादव ३१ रनमा आउट भएको केही क्षणपछि गिलले छक्का लगाएर ९९ रन बनाए र अर्को बलमा शतक पूरा गरे । त्यतिबेलासम्म उनले ८६ बल फेस गरेका थिए ।

४०औं ओभरमा सान्टनरले हार्दिक पाण्ड्यालाई बोल्ड गरे । पाण्ड्या आउटको निर्णय थर्ड अम्पायरले गरेपछि भारत ४०औं ओभरमा ५ विकेटमा २४९ रनको स्थितिमा थियो ।

डेथ ओभरमा न्युजिल्याण्डलाई प्रहार गर्न गाह्रो भयो । तिनीहरूले वाशिंगटन सुन्दर र शार्दुल ठाकुरको विकेट पनि लिए, जसले गर्दा गिलले विकेट बचाएर खेल्नु परेको थियो ।

तर तीन ओभर बाँकी छँदा गिलले प्रहार गर्न मिल्ने बलको प्रतीक्षा गर्न छोडे । गिलले ४८औंमा ब्लेयर टिकनरको बलमा दुई छक्का र ४९औंमा फर्गुसनको सुरुका ३ बलमा लगातार छक्का हाने र दोहोर शतक पूरा गरे । २०० रन बनाउँदा उनले १४५ बल खेलेका थिए ।

न्युजिल्यान्डका लागि चुनौतीपूर्ण ३५० रनको लक्ष्य दिन उनले १९ चौका र ९ छक्का प्रहार गरेका थिए ।

यो प्रदर्शनले २३ वर्षका गिल दोहोर शतक पूरा गर्ने सबैभन्दा कान्छो खेलाडी बनेका छन् । गिलले बनाएको २०८ रन एक दिवसीय क्रिकेटको उच्च आठौं स्कोर हो । एक दिवसीय क्रिकेटमा भारतकै रोहित शर्माले सबैभन्दा धेरै २६४ रन बनाएका छन् ।

एकदिवसीय क्रिकेटमा व्यक्तिगत उच्च स्कोर

१० रोहित शर्मा, २६४ रन – श्रीलंका विरुद्ध, २०१४
२० मार्टिन गुप्टिल, २३७८ रन – वेस्ट इन्डिज विरुद्ध, २०१५
३० वीरेन्द्र सहवाग, २१९ रन – वेस्ट इन्डिज विरुद्ध, २०११
४० क्रिस गेल, २१५ रन – जिम्बाब्वे विरुद्ध, २०१५
५० फकर जमान, २१०८ रन – जिम्बाब्वे विरुद्ध , २०१८
६० इशान किसन,२१० रन – बंगलादेश विरुद्ध, २०२२
७० रोहित शर्मा, २०९ रन – अष्ट्रेलिया विरुद्ध, २०१३
८० रोहित शर्मा, २०८८ रन – श्रीलंका विरुद्ध, २०१७
९० शुभमन गिल, २०८ रन – न्यूजिल्याण्ड विरुद्ध, २०२३
१०० सचिन तेन्दुलकर, २००८ रन – दक्षिण अफ्रिका विरुद्ध, २०१०

(क्रिकइन्फोको सहयोगमा

प्रकाशित मिति : ४ माघ २०७९, बुधबार  ८ : ५२ बजे