१ भाद्र २०८२, आइतबार |
Mon Aug 18 2025
माघे संक्रान्तिको दिन ुजैमिनी नगरपालिकाको कालीगण्डकी नदिको पवित्र धार्मिक तिर्थस्थलमा मेला लग्ने भएको छ । यस क्षेत्रमा विहान तोरणसंगै जैमिनीधाम धाममा विविध झाकीसंगै मेला लाग्ने भएको हो । सहारा युवा क्लब कुश्मीसेरा, जैमिनी संस्कतिक समूह र जैमिनी संस्कृत पाठशालाको संयुक्त पहलमा पूर्वीय दर्शन मिमांसाका प्रवर्तक जैमिनी ऋषिको तपोभूमि जैमिनीधाममा यही माघ १ गते ऐतिहासिक रुपमा हुने अनुष्ठान तथा शालिग्राम गर्भा श्रीकृष्णगण्डकीमा भव्य रुपमा भजन कीर्तन सहित तोरण तारिने कार्यक्रम रहेकोले छ । सो दिन विहान सेराबजारदेखि जैमिनीधामसम्म बाजागाजा, भजनकीर्तन एवं विभिन्न साँस्कृतिक झाँकी सहित सो कार्यक्रममा सक्रिय सहभागिताको लागि समस्त श्रद्धालु भक्तजनका साथै पर्वतको फलेवास नगरपालिकाबाट समेत मेलामा सहभागि हुने छन् । करिव साढे दुुई दशक बर्ष यस क्षेत्रमा ठुलो मेला लाग्ने गरेको भएपनि प्रहरी निरिक्षकको हत्या भएपछि मेला लाग्न छाडेको हो ।
