काठमाडौं महानगरपालिकाका मेयर बालेन्द्र साह बालेनका विरुद्धमा माघ १५ गते माइतीघरमा प्रदर्शनी गर्ने तयारी भएको छ । उपत्यकाव्यापी सडक विस्तार पीडित संघर्ष समितिले धर्ना एवम् प्रदर्शन गर्ने तयारी भएको जनाएका छन् ।
संर्घष समितिका समितिका संयोजक सुमन सायमीले राजधानीको माइतीघर मण्डलामा माघ १५ नगर प्रमुख बालेनकाविरुद्ध प्रदर्शन र धर्ना हुन लागेको खुलासा गरेका हृन ।
नगर प्रमुख बालेनका कारण काठमाडौंका महानगरबासी त्रासमा रहेको भन्दै उनीविरुद्ध धर्नाको तयारी गरिएको सायमीले बताएका छन् ।
नगरप्रमुुख बालेन साह स्वेच्छाचारीका साथै निरंकुश बन्दै गएका कारण उनी विरुद्ध आन्दोलनको तयारी गरिएको सरोकारवालाहरुले बताएका छन् ।
संविधानले सुरक्षित गरेको सम्पत्ति सम्बन्धी मौलिक हकको बेवास्ता गर्दै जनताको निजी घर भत्काउने कार्य गरेको, कथित विकासको नाममा अध्ययन र योजनाविना डोजर आतंक फैलाएर आदिवासीको भूमि अतिक्रमण गरेको उनीहरुले आरोप लगाएको छ ।
कानुनी प्रक्रिया नै नपुर्याइ अनाधिकृत रुपमा निजी घरवासमा प्रवेश गरेर महानगरले ज्यादती गरेको उनीहरुको आरोप छ । नगर प्रमुख बालेनको पक्ष र विपक्षमा राजधानीबासीहरु बाडिन थालेका हुन । यता मध्यमबर्गी परिवारहरु भने बालेनले सामान्य काम समेत गरेर खान नदिएका भन्दै आक्रोशित हुदै आएका छन् । एकथरीनागरिक भने शहरलाई व्ययवस्थित र कानूनको पालनामा कडाईका साथ उत्रेकाले समर्थनका पक्षमा रहेका छन् ।
प्रतिक्रिया