राष्ट्रिय स्वतन्त्र पार्टीले तलवको झण्डै आधा तलव लेवि उठाउने भएको छ । कुनै बेला सांसदबाट मासिक लेबी उठाउने एमालेलाई समेत पछि पारेको हो ।
प्रतिनिधिसभा सांसदको नियमित तलब ६७ हजार र भत्तागरी करिब एक लाख रुपैयाँ पुग्ने गर्छ । राष्ट्रिय स्वतन्त्र पार्टीले भने तलबको झन्डै आधाजति अर्थात् २५ हजार रुपैयाँ मासिक लेबी उठाउने भएको हो ।
क्षमताभन्दा बढी लेबी तोकिएको भन्दै केही सांसदले असन्तोष समेत जाहेर गर्न थालेका छन् । पहिलो पटक संसदमा प्रवेश गरेको यस पार्टीले सबै सांसदको रकम बाट पार्टी काममा खर्च गर्ने भएको हो ।
यता एमालेले यसअघिको प्रतिनिधिसभा कालमा सांसदहरुबाट प्रतिमहिना १३ हजार रुपैयाँ लेबी उठाउने गर्थ्यो। कांग्रेसले मासिक १० हजार रुपैयाँ लेबी उठाउने गर्थ्यो । दुवै ठूला दलले यसपल्ट भने लेबी शुल्क तोक्न बाँकी छ ।
यस्तै माओवादी केन्द्रले अघिल्लो संसदकालमा मासिक १२ हजार रुपैयाँ लेबी उठाउने गर्थ्यो । यसपल्ट पनि सोही कायम हुने माओवादी केन्द्रीय कार्यालय सचिव श्रीराम ढकालले बताएका छन् ।
राष्ट्रिय प्रजातन्त्र पार्टीले सांसदलाई मासिक १५ हजार रुपैयाँ लेबी उठाउने गर्छ ।
जसपाले यसअघिको संसदमा मासिक १० हजार उठाउँथ्यो । नयाँ सांसदलाई कति उठाउने भन्नेबारे निर्णय छिट्टै हुने पार्टी प्रवक्ता मनिष सुमनले बताए ।
एकीकृत समाजवादीले सांसदबाट मासिक १२ हजार रुपैयाँ लेबी उठाउँछ । सीके राउत नेतृत्वको जनमत पार्टीले हालसम्म यसबारे निर्णय गरिसकेको छैन । पार्टीको संसदीय दल तथा कार्यकारिणीले यसबारे सोच्ने छ ।
यता राष्ट्यि जनमोर्चा नेपाल र नेपाल मजदुर किसान पार्टीले आफ्नो तलव पार्टीको तजविजीमा मात्र खर्च गर्न पाउने व्यवस्था गरेको हो ।
प्रतिक्रिया