महानगर मेयर विरुद्ध माइतीघरमा प्रदर्शन

काठमाडौं महानगरपालिकाले डोजर आतंक चलाएको भन्दै सर्वसाधारणले विरोध प्रदर्शन गरेका छन् । काठमाडौंका विभिन्न ठाउँका वासिन्दाले माइतीघरमा भेला भएर महानगरपालिकाले व्यक्तिगत सम्पत्तिमा डोजर चलाएको भन्दै प्रदर्शन गरेका हुन् ।
प्रदर्शनमा सहभागीहरुले डोजर आतंक बन्द गर, महानगरपालिकाको ज्यादती बन्द गर, सडक विस्तारका नाममा उठिबास लगाउन पाइँदैन जस्ता नारा लेखेको प्लेकार्ड बोकेका थिए । प्रदर्शनमा काठमाडौं महानगरपालिकाको मेयरमा स्वतन्त्र उम्मेदवारी दिएका सुमन सायमी पनि सहभागी भएका छन् । प्रर्दशनमा सहभागी हुन ललितपुर जिल्लाबाट समेत आएका छन् ।