नबिल बैंकले प्रमुख कार्यकारी अधिकृतलाई २ करोड ८३ लाख रुपैयाँ भुक्तानी गरेको छ । बैकको प्रमुख कार्यकारी अधिकृतमा ज्ञानेन्द्रप्रसाद ढुंगाना रहेका छन् ।
बैंकले ढुंगानालाई तलब भुक्तानीबापत् १ करोड २६ लाख ५६ हजार २ सय ५० रुपैयाँ र अन्य लाभ तथा सुविधाहरु १ करोड ४० लाख ४ हजार ८० गरी कुल २ करोड ६९ लाख ३० हजार ३ सय ३० रुपैयाँ र निवृत्त लाभ स्वरुप १४ लाख १३ हजार ९ सय ३० रुपैयाँ गरी कुल २ करोड ८३ लाख ४४ हजार २ सय ६० रुपैयाँ भुक्तानी गरेका छन् । बैंकले आव २०७७।७८ मा प्रमुख कार्यकारीलाई २ करोड ४५ लाख २ हजार ६६९ रुपैयाँ भुक्तानी गरेको थियो ।
बैंकले सञ्चालकहरुलाई बैठक भत्ताबापत ६५ लाख ३० हजार १ सय ७० रुपैयाँ र भ्रमण खर्च, बसोबास खर्च तथा अन्य खर्चहरु गरी ३३ लाख २५ हजार ४५२ गरी कुल ९८ लाख ५५ हजार ६ सय २२ रुपैयाँ भुक्तानी गरेको छ ।
प्रतिक्रिया