तोलामा १ हजार ४ रुपैयाँ घट्यो सुनको मूल्य

साताको अन्तिम दिन नेपाली बजारमा सुनको मूल्य घटेको छ। अघिल्लो दिन अर्थात बिहीबार, हालसम्मकै उच्च विन्दुमा पुगेको सुनको मूल्य यस दिन तोलामा १ हजार ४०० रुपैयाँ घटेको हो।

शुक्रबार छापावाल सुन प्रतितोला १ लाख ६ हजार १०० रुपैयाँमा कारोबार भइरहेको नेपाल सुनचाँदी व्यवसायी संघले जनाएको छ। अघिल्लो दिन यस्तो सुन हालसम्मकै उच्च मूल्य अर्थात १ लाख ७ हजार ५०० रुपैयाँमा कारोबार भएको थियो। यस दिन तेजाबी सुन भने १ लाख ५ हजार ६०० रुपैयाँमा कारोबार भइरहेको छ।

सुनसँगै चाँदीको मूल्य पनि घटेको छ। अघिल्लो दिन १ हजार ३९५ रुपैयाँमा कारोबार भएको चाँदी, यस दिन प्रतितोला ३० रुपैयाँ घटेर १ हजार ३६५ रुपैयाँमा कारोबार भइरहेको छ।