पत्रकार डण्ड गुरुङको पहलमा सिन्धुलीको गोलन्जोर गाउँपालिका-१ शिध्देडाँडा निवासीका अग्नि पीडितको छाना छाउन जस्ता पाता जुटेको छ । शिध्देडाँडा निवासी चेत प्रसाद न्यौपानेको घर माघ १२ गते जलेर नष्ट भएको थियो । शारीरिक रूपमा अपांगता रहेका न्यौपानेको घरमा आगलागी हुदाँ सबै जलेर नष्ट भएपनि माटाका गारा मात्रै बाँकी थिए । केही ममर्त गरेर बारबेर भएपनि जस्ता पाताको अभावमा छाउने समस्या भएपछि पत्रकार गुरुङ कै पहलमा जस्ता पाता हस्तान्तरण जुटेका हुन ।
विभिन्न सहयोगी मनहरुसंगै जस्ता पाता बोकेर पीडितकोमा पुुगेको फोटो सामाजिक सञ्जालमा पोष्ट गर्दै गुरुङले लेखेका छन्, उनलाई सहयोगको खाँचो थियो । त्यसैले हामीले उहाँलाई घर छाउन ४ बन्डल जस्तापाता उपलव्ध गराएका छौं । यो सहयोग उपलव्ध गराउन समन्वयात्मक सहयोग गर्नुहुने समाजसेवी आदरणीय दाइ उज्ज्वल विक्रम थापा, त्यहाँसम्म लैजान गाडी प्रवन्ध गर्नुहुने प्रिय भाइ डम्बर बिक, ठाडै उकालो भएनि जस्तापाता बोकेर घरसम्म पुर्याउन सघाउनुहुने डुडभन्ज्याङबासी र स्थानीय नेतालगायत अहिलेसम्म सहयोग अभियानमा जोडिनुहुने सबै सहृदयी महानुभावहरूमा हार्दिक धन्यवाद ।
जस्ता छाउनका लागि नेकपा एमाले गोलञ्जोर गाउँपालिका कमिटीले २२ हजार रुपैयाँ नगद सहयोग गरेको छ। जस्तापाता हस्तान्तरणमा सहजिकरण गर्नुहुने गोलञ्जोर गाउँपालिका वडा नं १ का श्रद्धेय अध्यक्ष सोम बराल, वडा नं ७ का श्रद्धेय अध्यक्ष तथा पालिका प्रवक्ता रेगन थापा, एमाले गोलञ्जोरका सचिव निर्मल रम्तेललगायत सबैप्रति धन्यवाद दिन चाहन्छु । सहयोग अझै जरूरी छ, सबैले सहयोग गरिदिनुहुन अनुरोध छ ।
पत्रकार डण्ड गुरुङले आफ्नो जिल्लाका साथै विभिन्न क्षेत्रमा समस्या परेकाहरुलाई सक्दो सहयोग गर्दै आएका छन् । पत्रकारिता संगै समाजसेवालाई समेत निरन्तरता दिएका पत्रकार गुरुङ एबीसी टेलिभिजनमा आवद्ध छन् ।
प्रतिक्रिया