२२ चैत्र २०८१, शनिबार | Sun Apr 6 2025

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

breaking


डिएसपी चढ्ने भ्यानमै आन्दोलकारीको आगजनी



राजधानीको बालाजुस्थित माछापोखरी क्षेत्रमा यातायात मजदुरहरूले प्रहरी नायव निरिक्षक चड्ने भ्यानमा आगजनी गरेका छन् । यो संगै प्रहरीका दुईवटा सवारीमा आगजनी गरेका हुन ।

झडपमा प्रहरी वृत्त बालाजुका डिएसपी रविन विष्ट चढ्ने बा.२ झ १४४ नम्बरको स्कर्पियो पिकअप यातायात मजदुरले जलाएका हुन । प्रहरी वृत्त बालाजुको बा.१ झ ७२२४ नम्बरको माज्दा गाडी पनि आन्दोलनकारीले जलाएका हुन । आफ्ना माग सार्वजनिक गर्ने कार्यक्रममा नयाँ बसपार्कको ठेकेदार कम्पनी लोत्से बहुउद्देश्यीय प्रालिका महाप्रबन्धक सुनिल कुँवर र लोत्सेकै कर्मचारीले आक्रमण गरेपछि झडपको अवस्था आएको यातायात मजदुर संगठनको दाबी छ ।

माछापोखरी चोकमा यातायात मजदुरले दुवै गाडीमा आगजनी गरेका हुन् । लोत्से बहुउद्देश्यीय प्रालिका महाप्रबन्धक सुनिल कुँवर, पंकज मल्ल र हिमाल कुँवर समेत ३० जना मिलेर मजदुरहरूलाई आक्रमण गरेको ३ वटा मजदुर संगठनले विज्ञप्ति प्रकाशन गरेर जानकारी दिएका छन् ।

नेपाल यातायात स्वतन्त्र मजदुर संगठन, नेपाल यातायात मजदुर संघ र अखिल नेपाल यातायात मजदुर संघले आफ्ना १० बुँदे माग पुरा नभएसम्म उपत्यकाका सम्पूर्ण सवारीसाधन बन्द गर्ने निर्णय गरेका छन् ।

यातायात मजदुरले प्रहरीको दुईवटा गाडीमा आगजनी गरेको उपत्यका प्रहरी कार्यालयल जनाएको छ ।

माछापोखरी चोकमा ढुङ्गा हानाहान भएको बताइएको छ । प्रहरीले आन्दोलनकारीलाई नियन्त्रण गर्न अश्रुग्याँस प्रहार गरेको छ ।

प्रकाशित मिति : १ फाल्गुन २०७९, सोमबार  ७ : ३१ बजे