नेकपा माओवादी केन्द्रकी पोलिट्व्यूरो सदस्य कल्पना धमलाले निर्वाचनमा जनतासामु गरेका प्रतिवद्धता पुरा गर्ने प्रक्रियाको थालनी गरेकी छन् । काठमाडौं निर्वाचन क्षेत्र नम्बर ९ संघीय संसदकी उम्म्ेदवार धमलाले निर्वाचनको समयमा व्यक्त गरेका चुनावी प्रतिवद्धता पुरा गर्ने अभियानमा लागेकी हुन ।
पुर्व मन्त्री तथा संविधान सभा सदस्य धमलाले क्षेत्र नम्बर ९ मा खानेपानीको समस्या भएका स्थानमा आगामी वर्ष विभिन्न परियोजनाहरु समेटन पर्ने भन्दै सरोकारवाला निकायको ध्यानाकर्षण गराएकी हुन । सहरी खानेपानी तथा सरसफाई आयोजनाका आयोजना प्रमुुख ई. रत्न लामिछानेलाई आयोजना माग बुझाई ध्याकर्षण गराएकी हुन ।
स्थानीय प्रतिनिधिको साथमा खानेपानी तथा ढल व्यवस्थापन विभाग पुुगेर आयोजना प्रमुखलाई काठमाडौं महानगरपालिका, चन्द्रागिरी नगरपालिका र नागर्जुन नगरपालिकाका ५\५ वटामा खानेपानीको उचित व्यवस्थापन, सम्मान पूर्ण वितरण तथा सञ्चालित आयोजनाहरुको काम समयमै गुण्स्तरीय रुपमा सम्पन्न गरी नयाँ आयोजनाको वर्गिकरण गरेर नयाँ विकास कार्यक्रममा समेट्न आग्रह गरेकी हुन ।
मंसिर ४ गते सम्पन्न भएको प्रतिनिधि सभा सदस्य निर्वाचनमा काठमाडौं क्षेत्र नम्बर ९ बाट उम्मेदवार रहेकी माओवादी युवा नेतृ धमलाले निर्वाचन प्रचार–प्रसार तथा चुनावी प्रतिवद्धता पत्रमा यस क्षेत्रमा नतिजा जे जस्तो आएपनि जनताको साथ नछाडी सुख दुःख तथा विकास निर्माणमा संगै रहने प्रतिवद्धता व्यक्त गरेकी थिइन । सोही अनुरुप चन्द्रागिरी नगरपालिका वडा नम्बर १, १२, २३, १४ र १५, नार्गाजुन नगरपालिका ६, ७, ८, ९, १० वडा तथा काठमाडौं महानगरपालिकाका ५ वडामा उचित खानेपानी व्यवस्थापनका लागि पहल गरेकी हुन ।
ज्ञापन पत्र बुझर्दै आयोजना प्रमुख लामिछानेले महानगरपालिका भित्र शहरमा मेलम्चीको पानी र चक्रपथ बाहिरका पालिकामा नयाँ आयोजनाको सर्वे गरेर खानेपानीको व्यवस्थापन गर्ने प्रतिवद्धता व्यक्त गरेका छन् । प्रमुख लामिछानेले चन्द्रागिरी नगरपालिका क्षेत्र नम्बर ९ मा पर्ने वडामा खानेपानी समस्या र समाधान गर्ने बारेमा तत्काल सम्भाव्यता अध्ययन गरी आगामी वर्षको कार्यक्रममा समेटने स्पष्ट पारेका हुन । उनले नार्गाजुन नगरपालिकामा खानेपानीको समस्या भएको स्थानमा समाधान गर्ने समेत बताएका छन ।
उनले सेवा प्रदायक संस्थाका रुपमा खानेपानी उपभोक्ता तथा सरसफाई कार्यक्रमका लागि आयोजना समावेश गर्ने बताएका हुन । सामाजिक आर्थिक विवरणका आधारमा पहिचान तथा छनोट हुने घरधुरीहरुमा निजी धारा जडान तथा शौचालय निर्माणमा उल्लेखनीय काम गर्ने बताएका छन् ।
पूर्वमन्त्री धमला नेतृत्वको टोलीले यस क्षेत्रको विकासका साथै, शिक्षा, स्वास्थ्य, पूर्वाधार, पयर्टन र रोजगारीका क्षेत्रमा विभाग देखि विभिन्न मन्त्रालयसम्म निरन्तर रुपमा सरोकारवालको ध्यानार्कषण गराएको बताएका छन् ।
प्रतिक्रिया