सांसद भण्डारीलाई थप उपचारका लागि भारत लगियो

नेपाली कांग्रेसका सांसद डा. चन्द्र भण्डारीलाई थप उपचारका लागि भारत लगिएको छ । कीर्तिपुरस्थित नेपाल बर्न सेन्टरका चिकित्सकहरूको परामर्शअनुसार थप उपचारका लागि उनलाई श्री एयरलाइन्सको विमानबाट भारत पठाइएको हो ।

सुविधासम्पन्न अस्पतालमा उपचार गर्नुपर्ने चिकित्सकहरूले सल्लाह दिएपछि सांसद भण्डारीलाई थप उपचारका लागि भारतको मुम्बई लगिएको हो ।

बुधबार राति बुद्धनगरस्थित घरमा आगलागी हुँदा सांसद भण्डारी र उनकी आमा हरिकला जलेर गम्भीर घाइते भएका थिए । हरिकलाको आज बिहान उपचारकै क्रममा निधन भएको छ । सांसद भण्डारीको करिब ३० प्रतिशत भाग जलेको चिकित्सकले बताएका छन् ।