कार्यसम्पादन सूचक मूल्याङ्कनमा चन्द्रागिरि नगरपालिका काठमाडौं जिल्लामै पहिलो भएको छ । भने उपत्यकामा दोश्रो स्थान प्राप्त गर्न सफल भएको छ । राष्ट्रिय प्राकृतिक स्रोत तथा वित्त आयोगले सार्वजनिक गरेको तथ्याङ्क अनुसार कार्यसम्पादन मूल्याङ्कनमा चन्द्रागिरि नगरपालिका काठमाडौं जिल्लाको पहिलो भएको हो ।
आयोगले तयार गरेको आर्थिक वर्ष २०७८।०७९ को कार्यसम्पादन मूल्याङ्कन प्रतिवेदन अनुसार चन्द्रागिरि नगरपालिका काठमाडौं जिल्लामा पहिलोमा आएको हो । काठमाडौं उपत्यकाका स्थानीय तहहरूमा चन्द्रागिरि नगरपालिका भक्तपुर जिल्लाको मध्यपुर थिमी नगरपालिकापछि रहेको छ । थिमीले पहिलो स्थान पाएको छ ।
कार्यसम्पादन सूचक मूल्याङ्कनको एक सय अङ्क भारमा चन्द्रागिरिले ६२. ६०७८ प्रतिशत प्राप्त गर्दै जिल्लामा पहिलो नम्बरमा रहेको हो । यस्तै जिल्लामा रहेका ११ वटा स्थानीय तहमध्ये ६२.३१३३ प्रतिशत अंक प्राप्त गर्दै कागेश्वरी मनोहरा दोश्रो स्थानमा रहेको छ ।
काठमाडौं उपत्यकाका स्थानीय तहहरू मध्ये कार्यसम्पादन मूल्याङ्कनमा पहिलो स्थानमा रहेको भक्तपुरको मध्यपुर थिमी नगरपालिकाले ६३.३४२७ प्रतिशत अंक प्राप्त गरेको छ ।
कार्यसम्पादन मूल्याङ्कन गर्न स्थानीय तहका लागि १७ सूचक तय गरिएका थिए । त्यस्तै, आन्तरिक राजस्वको लक्ष्य र सङ्कलन, अघिल्लो आ।व।को बजेट र खर्चको अवस्था, बेरुजु, सूत्रको प्रयोग, आवधिक योजना तय गरेर नगरेको, विद्यालयमा विद्यार्थी भर्नाको अवस्था, गर्भवती महिलाको सङ्ख्या, संस्थागत प्रसूति सङ्ख्या, बालबालिकाको सङ्ख्या, खोप लगाएका बालबालिकाको सङ्ख्यालगायत शीर्षकका सूचकमा आयोगले स्थानीय तहलाई अंकभार दिएको हो ।
यता नेपाल भरीमा भरतपुर महानगरपालिका सबैभन्दा उतकृष्ठ स्थानमा रहेको छ ।
काठमाडौं महानगरपालिकाको नतिजा भने खराव छ ।
प्रतिक्रिया