२२ चैत्र २०८१, शनिबार | Sun Apr 6 2025

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

breaking


आगोमा जलेर दुई बालकको मृत्यु



घरमा आगलागी हुँदा पाँचथरको हिलिहाङ गाउँपालिका ७ भारपाका दुई जना बालकको मृत्यु भएको छ । शुक्रवार दिउँसो साढे दुई बजे भएको आगलागीमा स्थानीय सरन पन्थाकका पाँच वर्षीय छोरा सेसेहाङ र सन्तोष खातीका चार वर्षीय छोरा निशान खाती रहेको जिल्ला प्रहरी कार्यालय पाँचथरका प्रहरी नायब उपरीक्षक हरि खतिवडाले जानकारी दिनुभयो ।

हिलिहाङ ७ यवाडाँडाका प्रेम पन्थाकको घरमा दिँउसो कोही नभएका बेला आगो लागेको थियो । आगोले घर पूर्णरुपमा क्षति भएको खतिवडाको भनाइ छ ।

मृतकमध्ये निशान खाती सोही घरमा (मावल) बस्दै आएका थिए । सेसेहाङ भने निशानसँग खेल्न आएका थिए । दिउँसो अभिभावक दाउरा खोज्न जङ्गल गएका बखत दुई जना बालक मात्रै रहेको घरमा आगो लागेको वडाध्यक्ष धनकुमार लिम्बूले जानकारी दिए ।

उनीको शव घरको माथिल्लो तलामा जलेको अवस्थामा भेटिएको हो । अहिले शव निकाल्ने काम भइरहेको छ । घटनास्थलमा पाँचथरका प्रमुख जिल्ला अधिकारी र प्रहरी नायब उपरीक्षकको टोली पुगेको छ ।

प्रकाशित मिति : १२ फाल्गुन २०७९, शुक्रबार  ९ : १४ बजे