मधेश प्रदेशको धनुषा प्रहरीको भ्यानबाट बलात्कार मुद्दाका एक अभियुक्त हतकडीसहित हाम फालेर फरार भएका छन् । बलात्कार मुद्दामा पक्राउ परेका धनुषाको सबैला नगरपालिका वडा नम्बर–१३ किरतपुरका २८ वर्षीय राजाबाबु मुखिया भ्यानबाट हाम फालेर फरार भएको बताइएको छ ।
आइतबार जिल्ला अदालत धनुषाबाट सात दिनको म्याद थप गरी इलाका प्रहरी कार्यालय फर्किदै गर्दा साँझ साढे ७ बजे यदुकुहास्थित कमला नहर नजिक भ्यानबाट हामफालेर भागेको धनुषाले जनाएको छ । उनको खोजी कार्य तीव्र पारिएको प्रहरीले जनाएको छ ।
गत माघ १५ गते इलाका प्रहरी कार्यालय सखुवा महेन्द्रनगरको हिरासत कक्ष फोडेर ६ जना थुनुवा फरार भएका थिए । उनीहरू मध्ये दुईजना अझै पक्राउ पर्न सकेका छैनन् । उनलाई आसपासका नाकामा कडाई गरि खोजी कार्य जारी राखीएको प्रहरीले जनाएको छ ।
प्रतिक्रिया