फलेवास नगरपालिकामा बृहत स्वास्थ्य शिविर

लायन्स क्लब अफ काठमाडौ देउराली दियालोको आयोजना र धुलिखेल अस्पताल फलेवास, नेपाल भारत मैत्री अस्पताल तथा हिमालय आखा अस्पतालको प्राबिधिक सहयोगमा दुई दिने स्वास्थ्य शिविर आयोजना भएको छ ।
शिविरको उद्घाटन गर्नुहुदै नगरप्रमुख गंङाधर तिवारीले उपचारको लागि सुबिधासम्पन्न अस्पतालमा जान नसक्ने आमाबुवा, दिदीबैनी तथा दाजुभाइहरुको लागि यो शिविर अत्त्यन्तै उपयोगी हुने बताउनुभयो । आयोजक तथा सहयोगिहरुलाइ धन्यबाद ज्ञापन गर्नुहुदै नगरप्रमुख तिवारीले यस्ताखालका कार्यक्रमहरुलाइ नगरले पनि प्रोत्साहन र सहयोग गर्ने प्रतिवद्दता व्यक्त गर्नुभयो । कार्यक्रममा स्थानीय समाज्सेवी भोला लम्सालले आफुले निकै कसरत गरेको कारण यो शिविर ल्याउन सफल भएको बताउदै आगामी दिनमा पनि यस्तै कार्यक्रमको माग भए ल्याउन सकिने बताउनुभयो । कार्यक्रममा फलेवास नगर उपप्रमुख शोभा कुमारी क्षेत्री, प्रवक्ता अच्युत तिवारी लगायत वडा अध्यक्षहरुको सहभागिता थियोे । कार्यक्रमको अध्यक्षता लायन्स क्लब अफ काठमाडौ देउराली दियालोका अध्यक्ष इन्द्र केसीले गर्नुभएको थियो । २ दिने शिविरमा फलेवासका करिव एक हजार सर्वसाधारणले सेवा लिने अपेक्षा गरिएको आयोजकले जनाएका छन् ।