भन्सार जाँचपास भएका २३ गाडी प्रहरीबाट पक्राउ

आईसिपी वीरगंज भन्सार कार्यालयको भित्रैबाट कर्मचारी, जाँचकी र भन्सार एजेन्टहरुको मिलोमतोमा तस्करी भएको रहस्य खुलेको छ । भन्सार कार्यालयका कर्मचारी, जाँचकी र एजेन्टहरुको मिलेमतोमा विभिन्न् सामानहरुको मुल्यांङ्गकन कम गरी जाँचपास गरिरहेको हुनाले सो कार्यालयवाट नै करोडौंको राजश्व चुहावट भएको छ । जिल्ला प्रहरी कार्यालय पर्साले अवैध सामानहरु बरामद गरेको तथ्यांकले तस्करी भईरहेको पुष्टि भएको हो ।

पर्सा प्रहरीले अढाई महिनामा वीरगंज भन्सार कार्यालय आईसिपीवाट चेकजाँच भई छुटेको भन्सारको प्रज्ञापन पत्र भन्दा बढी मालसामान भएको आशंकामा २३ वटा ट्रक र पिक्प नियन्त्रणमा लिएको जनाएको छ।
जिल्ला प्रहरी कार्यालय पर्साले पुस १ गते देखि पुस मसान्तसम्म ७ वटा ट्रकबाट बिलबिजकसहित ५ करोड ३४ लाख ८४ हजार ८ सय ५५ रुपैयाँको प्रज्ञापन पत्रसहित नियन्त्रणमा लिएको छ । त्यसैगरि माघ १ गते देखि माघ मसान्तसम्म १३ वटा ट्रक र २ ट्याक्टरबाट ४ करोड ७७ लाख ६४ हजार ३ सय ४२ रुपैयाँ बराबरको प्रज्ञापन पत्रसहित सामान र गाडी नियन्त्रणमा लिएको छ ।

यता फाल्गुन महिनाको १ गते देखि १५ गतेसम्म पर्सा प्रहरीले ३ वटा ट्रकबाट २ करोड ४६ लाख ४४ हजार ९ सय ७६ रुपैयाँको मूल्य बराबरको प्रज्ञापन पत्र र गाडिसहित नियन्त्रणमा लिई राज्शव अनुसन्धान कार्यालय पथलैया बारामा बुझाएको पर्सा प्रहरी प्रमुख एवम प्रहरी उपरीक्षक कोमल शाहले बताएका छन् ।

पर्सा प्रहरीले अढाई महिनामा २३ वटा ट्रक र पिक्पबाट १२ करोड ५८ लाख ९४ हजार १ सय ७३ रुपैया मुल्य बराबरको प्रज्ञापनपत्र सहित नियन्त्रण लिई सो भन्दा बढी वीरगंज भन्सारबाट जाचपास भई छुटेको गाडिहरुबाट अवैध भन्सारछलिको आशंकामा पर्सा प्रहरीले पक्राउ गरि राजशव अनुसन्धान कार्यालय पथलैयामा बुझाएको हो।

प्रहरीले दैनिक रुपमा वीरगंज भन्सार कार्यालय आईसिपीबाट जाँचपास भई छुटेको मालसामान सहितको गाडीहरु भन्सार छलिको आशांकामा नियन्त्रणमा लिने गरेको छ। वीरगंज भन्सार कार्यालय आईसिपीमा रहेका भन्सार कर्मचारी, जाँचकी र भन्सार एजेन्टको मिलोमतोमा आईसिपी भित्रबाट निस्केको गाडिहरुलाई प्रहरीले धमाधम नियन्त्रण लिदै आएपछि यस्ले प्रमाणित हुन्छ कि भन्सार भित्रैबाट स्थागत रुपमा तस्करी हुदै आएको आशंका बढेको हो ।
भन्सारको कर्मचारीहरुले भारतवाट नेपाल आउने सामानहरु जुन सबभन्दा महगो भन्सार लागने लत्ताकपडा, स्टिलका भाडाकुडा, कस्मेटिक, ईलेकट्रोनिक सामानहरुको मुल्याङकन कम गरि जाँचकीहरुले एजेन्ट मार्फत अर्ब रुपैयाँ बराबरको राजशव चुहावट हुने गरेको सत्य हो ।

त्यसैगरि भन्सार कर्मचारीहरुले जाँचपास हुने गाडीहरु वाटमालसामानहरु मुल्यांङकन कम गरे वापत प्रति ट्रकको ५० हजार देखि १ लाख रुपैयाँसम्म लिने गरेका छन् । यसरीनै वीरगंज भन्सारवाट जाँचकी, एजेन्ट र कर्मचारीहरुको मिलोमतोमा अर्बको राजश्व चुहावट हुने हो भन्ने भन्सार कर्मचारी चाँजकी र एजेन्टहरु मालामाल सरकार कंगाल हुने यस्ता गतिविधि तर्फ सम्बन्धित निकायको ध्यान जान यति आवश्यक देखिएको छ।

सरकार अस्थिरि हुदाँ र अर्थ तन्त्रमा बाह्य र आन्तरिक चाप पर्दा समेत अर्थ मन्त्रालय मातहतका निकाय यस विषयमा गम्भीर नहुदाँ निरन्तर रुपमा राजश्व चुहावट भैरहेको छ । यसको नियन्त्रमा सुरक्षा निकार्य, स्थानीय प्रशासन, नागरिक अगुवाका साथै ृउपभोक्ताहरु समेत हुन जरुरी छ ।