पर्वतको फलेवासमा स्थानीयले चितुुवा समाते

पर्वत जिल्लाको फलेवास नगरपालिका वडा नम्बर २ थापाठाना भेडावारीमा स्थानीयले खेतबाटै जिउँदो चितुवा पक्राउ गरेका छन् । काम गरिरहेको स्थानमा देखा परेपछि युवाहरुले चितुवालाई जिउँदै पक्राउ गरी प्रहरीलाई जिम्मा लगाएका हुन । पक्राउ परेको चितुवा स्वच्छ भएमा चिडियाखाना वा निकुञ्जमा लगेर बन कार्यालयले छाड्ने छ ।

यदि चितुवा अस्वस्थ भएमा पशु कार्यालयसंग समन्वय गरी उपचार गरिने छ । चितवाको अवस्था हेर्दा बुढो भएको स्थानीयहरुको अनुमान छ । चितुवामा केही पनि घाउचोट भने नलागेको प्रहरीले जनाएको छ ।

पछिल्लो समयमा मानिसहरुको बसाईसराई बढेसंगै खेतीयोग्य जमिनमा जंगल भएकाले बन्यजन्तुको संख्या बढ्नुका साथै मानव वस्तीमा समेत समस्या हुने गरेको छ । पर्वतमा यो दोस्रोपटक चितुवा समातिएको हो ।