१८ बर्षिया बालिकाको निधन, मृगौला र कलेजो दान

पर्वत जिल्ला फलेवास नगरपालिका वडा ६ देविस्थान शान्तिचौरकी १८ वर्षिया जस्मिन कुवँरको असामयिक निधन भएको छ । बालिका कुवँरको मध्यपुर अस्पताल सानोठिमीमा जटिल शल्यक्रियाको क्रममा उपचारकै क्रममा यही फागुन १६गते निधन भएको हो ।

कुंवरको अल्पायुमै निधन भएपनि मानव अंगदान महादान भन्ने कल्याणकारी भावले उनको अन्तिम अवस्थामा शहिद धर्मभक्त अंग प्रत्यारोपण केन्द्रमार्फत दुबै मृगौला र कलेजो दान गरीएको हो । उनीको जीवनलिला समाप्त भएपनि जटिल रोगका कारण अंगको पतिक्षामा बसेका अन्य विरामीलाई राहात होस भनेर सम्बन्धित बिरामीमा प्रत्यारोण गराई आफू नबाचे पनि तिन जनाको जीवन बचाउने जस्तो महान पुण्यकारी कार्यमा सहयोग होस् भनि अंग दालन गरिएको परिवारले जनाएका छन् ।

उनको निधनमा फलेवास मोडेल अङ्ग्रेजी आवासीय माध्यामिक विद्यालयले शोक व्यक्त गरेको छ । उनी यस विद्यालयकी छैटौं ब्याच २०७७ मा उत्तीर्ण भई हाल सानोठिमी भक्तपुरमा विज्ञान सङकाय कक्षा १२ मा अध्ययनरत रहेकी भन्दै सर्वप्रिय ,मेधावी तथा उच्च लक्ष्यकी छात्रा पूर्व विद्यार्थी रहेको जनाएको छ ।

विद्यालयका सस्थापक अध्यक्ष जगत बहादुर कुवर, पूर्व शिक्षिका लक्ष्मी पुरी कुवर र शिक्षिका हरी कुमारी कुवरकी ज्येष्ठ छोरी ,अग्रज अभिभावक पशुपति कुवर र राधिका कुवरकी नातिनी, छात्रा जेनिशा कुवरकी दिदी एउटा नमूना र प्रेरित छात्रा जस्मिन कुवरको निधन २०७९ फागुन १६ गतेका दिन बिहान ६ बजेर ३० को समयमा अप्रत्याशित, अकल्पनीय ,असामयिक निधनले हामी सबै मर्माहत भएका छौं भन्दै शोक व्यक्त गरेको छ ।