२२ चैत्र २०८१, शनिबार | Sat Apr 5 2025

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

कला/साहित्य


नवाह ज्ञानमहायज्ञ चैत ८ गतेदेखि रुपन्देहीमा हुने



लुम्बिनी प्रदेशको बुटवल उप महानगरपालिका १६ बैठौलिया रुपन्देहीमा चैत ८ गते बुधबारबाट नवाह ज्ञानमहायज्ञ २०७९ सुरु हुने भएको छ । १८ गतेसम्म सञ्चालन हुने श्रीमद्देवीभागवत नवाह ज्ञानमहायज्ञ बागलुङ
कालिका भगवती मन्दिर देवीस्थानको प्रथम वार्षिक उत्सवका अवसरमा महायज्ञ सुरु हुन लागेको हो ।

सो यज्ञमा ज्ञानमूर्ति ब्रह्मचारी हंस चैतन्य गुरुदेवका मुखारविन्दबाट श्रीमद्देवीभागवतमा आधारित दार्शनिक प्रवचन, एवम् नेपालका प्रतिष्ठित कलाकारहरुबाट भक्तिसंगीत, यज्ञाचार्य भावातीत ध्यान प्रशिक्षक डिल्लीराज गौतमको डिल्लीराज गाैतमकाे आचार्यत्वमा शतचण्डी अनुष्ठान हुने भएकाे छ ।

ब्रह्मचारी हंस चैतन्य संस्कृत वाङ्मयका चिन्तक विश्लेषक एवम् प्रखरवक्ताका रूपमा चिनिनुहुन्छ । चैतन्य युवा पुस्ताका निकै प्रखर बाचक समेत हुनुहुन्छ । महायज्ञका सङ्कल्पकर्ता देवीभक्त साधक तारानाथ कँडेल हुनुहुन्छ भने यज्ञ व्यवस्थापनका लागि पण्डित कमल नेपाल शास्त्री अनवरतरूपमा खटिइरहनुभएकाे छ ।

याे महायज्ञ कुनै भाैतिक संरचना निर्माण वा अर्थसङ्कलनका लागि नभएर केवल भगवती भुवनेश्वरीकाे आराधना एवम् देवीभागवतकाे स्वाध्यायमूलक दार्शनिक प्रवचनकाे कार्यक्रम रहेकाले देवीभक्तहरूमा अपूर्व समयकाे सदुपयाेग गर्न महायज्ञका प्रमुख वाचकसमेत रहनुभएका ब्रह्मचारी हंस चैतन्यले आग्रह गर्नुभएकाे छ । पालिका अनलाइनकाे सम्वादमा ब्रह्मचारीले भन्नुभएकाे छ- दैवीप्रेरणाले मन्दिरकाे निर्माण गरिएझैँ याे महायज्ञ पनि आशातीत सफल हुनेछ र यस क्षेत्रमा सघन आध्यात्मिक ऊर्जा सञ्चरण हुनेछ ।

प्रकाशित मिति : ५ चैत्र २०७९, आइतबार  ८ : ४९ बजे