२३ चैत्र २०८१, आइतबार | Sun Apr 6 2025

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

कला/साहित्य


मेरी प्यारी आमा तिमी



कोख बाट शुरु भयो तिम्रो मेरो नाता
काखमा खेलाएर दियौ मलाई साथ
पाइला चाल्न सिकायौ समाएर हात
हुर्कायौ कष्ट झेली तिमीले दिन रात
मेरो लागी मन्दिर हौ भागवानको नाम तिमी
मेरो तिर्थ ब्रत अनि चारै धाम हौ तिमी
मलाई पुर्ण जीवन दिने जिन्दगीको नाम तिमी
ममताकी खानी हौ मेरी प्यारी आमा तिमी
जब मेरो आशु झर्छ पुच्छने हात तिम्रो हुन्छ
एक्लो हुन दिन्नौ कहिल्यै मायालु साथ तिम्रै हुन्छ
मेरा हरेक घाउहरुमा तिमी मलम बन्ने गर्छेउ
मेरा हरेक अक्षरहरुको तिमी कलम बन्ने गर्छेउ
आफ्नो मनको पिडा लुकाइ मलाई खुशी दिन्छेउ
मेरा दुख पिडाहरु आफु सङ्ग लिन्छेउ
मनको बोझ बिसाउने चौतारी बनी दिन्छेउ
जिन्दगीको गोरेटोमा दौंतरी बनी दिन्छेउ
यो जीवनमा ज्योती छर्ने उज्यालो घाम तिमी
जिन्दगीको सहारा हौ मेरी प्यारी आमा तिमी
रचना :-दर्शन दाहाल

प्रकाशित मिति : २१ चैत्र २०७९, मंगलबार  ७ : ५२ बजे