पर्सा प्रहरीबाट १ सय १८ केजी लागु औषधसहित चरेश र ४ केजी गाजासहित ३ जना नियन्त्रणमा

शेखर छत्कुली
बीरगंज २६ चैत्र
पर्सा प्रहरीले १ सय १८ केजी लागु औषध सहित चरेश र ४ केजी गाजा सहित ३ जनालाई नियन्त्रणम लिएको छ ।
जिल्ला प्रहरी कार्यालय पर्साको प्रहरी टोली र ईलाका प्रहरी कार्यालय पटेर्वा सुगौलीको प्रहरीको संयुक्त टोलीले उक्त लागु औषध सहित ३ जनालाई नियन्त्रणमा लिएको हो ।
बिशेष सुचनाको आधारमा जिल्ला पर्सा पटेर्वा सुगौली गाउपालिका वडा नम्बर ५ देउरिया स्थित प्रदेशी साहको घरमा लुकाई छिपाई राखेको अवस्थामा प्रहरीले खानतलासी गरी १ सय १८ केजी लागु औषध चरेश र चरेश बनाउने मेशिन र गाजा सहित ३ जनालाई नियन्त्रणमा लिएको जिल्ला प्रहरी कार्यालय पर्साका प्रहरी नायव उपरिक्षक दिपक गिरीले बताएकाछन ।
लागु औषध सहित पक्राउ पर्नेहरुमा जिल्ला पर्सा पटेर्वा सुगौली गाउपालिका वडा नम्बर ५ निवासी बर्ष ५५ को प्रदेशी साह सोही ठाउ बस्ने बर्ष २५ को रोशन मोक्तान र बर्ष ३८ को रमेश मोक्तान रहेका प्रहरी नायव उपरिक्षक तथा प्रवक्ता गिरीले बताउनुभएको छ ।
त्यसगरी ईलाका प्रहरी कार्यालय ठोरीले सुचनाको आधारमा ६१ केजी लागु औषध गाजा सहित एक जनालाई नियन्त्रणमा लिएको छ ।
ईलाका प्रहरी कार्यालय ठोरीका प्रहरी निरिक्षक कमाण्डमा रहेको प्रहरीको टोलीले बिशेष सुचनाको आधारमा जिल्ला पर्सा ठोरी गाउपालिका वडा नम्बर २ स्थित हनुमाननगर तर्फबाट लागु औषध गाजा बोकी भारत तर्फ लादै गरेको अवस्थामा ठोरीको ढेडु खोलाको बगरबाट हिडिरहेको अवस्थामा गाजा सहित एक जनालाई नियन्त्रणमा लिएको पर्सा प्रहरीले जनाएको छ ।
६१ केजी लागु औषध गाजा सहित पक्राउ पर्नेमा जिल्ला चितवन लोथर नगरपालिका वडा नम्बर ९ बस्ने बर्ष ५७ को राम बहादुर तामाङलाई प्रहरीले नियन्त्रणमा लिएको छ । प्रतिबन्धीत लागु औषध सहित पक्राउ परेका चारै जना माथी लागु औषध बिरुद्ध सम्बन्धी कसुरमा मुद्धा चलाउने तयारी भै रहेको पर्सा प्रहरीले जनाएको छ । पर्सा प्रहरीले नियन्त्रणमा लिएको लागु औषध गाजा र चरेश मकवानपुर जिल्ला र चितवन जिल्लाबाट जंगलको बाटो हुदै पर्सा जिल्ला भएर भारत तर्फ जाने गरेको पर्सा प्रहरीका प्रवक्त एवम प्रहरी नायव उपरिक्षक तथा गिरीले बताउनुभएको छ ।