उपचारका लागि अस्पताल पुुगेका बृद्धा वेपत्ता

उपचारका लागि वीर अस्पतालमा पुुगेका बृद्धा एक हप्ता देखि वेपत्ता भएका छन् । सिन्धुुपालचोक जिल्ला बाह्विसे नगरपालिका वडा नम्वर ७ घुुम्थाङका ६८ वर्षिया हर्कलाल तामाङ अस्पतालबाटै वेपत्ता भएका हुुन । आँखामा समस्या भई उपचारका लागि राजधानी आएका तामाङ २० गते बुुधबार मध्यानबाट वीर अस्पतालबाटै सम्र्पकबिहिन भएका हुन ।

त्रिपुरेश्वर आँखा अस्पतालमा उपचारकै क्रममा थप शारिरीक परिक्षणका लागि वीर अस्पतालमा आफ्ना छोरा गोरखलाल तामाङका साथ पुुगेका थिए । छोरा टिकट लिन लाइनमा बसेको समयमा बुवा प्रतिक्षामा बसेका भएपनि टिकट लिई आउदाँ दखेकोको उनको भनाई छ । सोही समयमा अस्पताल आसपासमा खोजी गरेपनि नभेटेपछि उनले आफ्न्तलाई जानकारी गराई खोज्नाका लागि सहयोग मागेका थिए ।

आँखामा रगत जमेकाले सोको उपचारका लागि अन्य शारिरीक परिक्षण समेत गर्नुपर्ने भएकाले छोरासंगै उनी वीर अस्पतालमा पुुगेका तामाङका भान्जा सिताराम लामाले बताए । लामाले मामाको खोजीका लागि निरन्तर रुपमा रातदिन नभनी आफ्न्तहरुको सहयोगमा राजधानीका अधिकास गल्ली, चोक तथा बस्तीहरुमा पुुगेको बताएका छन् ।

राजधानीमा सञ्चालित बृद्धा आश्रम तथा नगरपालिकाका मानव आश्रमहरुमा समेत सम्र्पक भैरहेको भन्दै खोजबीनका लागि सरोकारवा पक्षसंग सहयोग गर्न आग्रह गरेका छन् । विशालबजार प्रहरीमा खोज तलासका लागि निवेदन दिइसकिएका जनाएका छन् । यता प्रहरीले आफ्न्तले दिएका हुलियाका आधारमा तामाङको खोजी कार्य जारी रहेको बताएको छ ।

वेपत्ता तामाङले ढाका टोपी, कालोकोट, खरानी रंङको दोरा सुुरुवाल र रातो तथा हरियो रंङको हातले बुनेको गल्बन्धी लगायतका अन्दाजी साढे पाँच फिट उचाईका छन् । निजलाई कसैले भेटेमा नजिकको प्रहरी कार्यालयमा बुुझाई सहयोग गर्न आफ्न्तले आग्रह गरेका छन् । (सामाजिक उत्तरदायित्वका लागि)