नेपाली सेनाको ‘क्युआइपी’ अन्तर्गत उपत्यका पृतना हेटक्याटरले काठमाडौँको चन्द्रागिरी नगरपालिका–१ दहचोकस्थित मनकामना मन्दिर परिसरमा निर्माण गरेको काजी वंशराज पाँडे सत्तलको आज प्रधानसेनापति प्रभुराम शर्माले उद्घाटन गरेका छन् ।
श्री ५ बडा महाराजधिराज पृथ्वीनारायण शाहको अगुवाइमा नेपाल एकीकरण अभियानअन्तर्गत कीर्तिपुरको लडाइँमा विसं १८१४ ज्येष्ठ १९ गते वीरगती प्राप्त गर्नुभएका काजी कालु पाँडेको स्मृति दिवसको अवसरमा प्रधान सेनापतिले सोही स्थानमा रहेको उनको स्मारकमा माल्यार्पण पनि भएको सैनिक जनसम्पर्क तथा सूचना निर्देशनालयले जनाएको छ ।
कार्यक्रममा सांसद कृष्णगोपाल श्रेष्ठ, चन्द्रागिरी नगरपालिकाका प्रमुख घनश्याम गिरी, बलाधिकृत रथी सरोजप्रताप राणा, बलाध्यक्ष रथी सिताराम खड्का, रथीबृन्द, अधिकृत, स्थानीय जनप्रतिनिधिका साथै काजी कालु पाँडे, काजी तुलाराम पाँडे स्मृति प्रतिष्ठानका पदाधिकारीको उपस्थिती थियो ।
यस अघि उहाँले नेपाल सरकार रक्षा मन्त्रालय नेपाली सेनाको टेण्डरमा माता मनकामना मन्दिर परिसरमा निर्मित काजी बंशराज पाँडे स्मृति सत्तलको निर्माण भएको अधिवक्ता तथा वडा नम्बर १ का पूर्व वडा अध्यक्ष राजेन्द्र केसीले बताएका छन् ।
प्रतिक्रिया