चन्द्रागिरि नगरपालिकामा स्थानीय उत्पादन बिक्री केन्द्र संचालन हुदै

चन्द्रागिरि नगरपालिकाको पहिलो स्थानीय उत्पादन सामग्रीको बिक्री केन्द्र संचालन गर्ने बारे सम्झौता पत्र हस्ताक्षर कार्यक्रम सम्पन्न भएको छ। च न पा-२ नागढुंगामा यहि असार १ गते देखि पहिलो बिक्री केन्द्र संचालनको सुरुवात हुने भएको हो। नगरपालिकाले सार्वजनिक सूचना मार्फत प्रस्तावना आव्हान गरेको मा च न पा -२ नागढुंगाको बिक्री केन्द्र श्री बाघ बछला बहुउद्देश्यीय सहकारी संस्था लि. ले संचालन गर्ने गरि प्रस्ताव पेश गरेको हुदा चन्द्रागिरि नगरपालिका र उक्त संस्था बीच आज सम्झौता पत्रमा हस्ताक्षर भएको हो। कार्यक्रमलाई सम्बोधन गर्दै नगर प्रमुख घनश्याम गिरीज्युले यो बिक्री केन्द्रको शुरुवात लगत्तै च न पा-३ थानकोट र च न पा-१४ नयाँ नैकापमा पनि यसै आर्थिक बर्षमा बिक्री केन्द्र संचालन हुने कुरा जानकारी गराउनु भयो। नगर प्रमुखज्युले स्थानीय उत्पादनलाई बजारीकरण गरि नगरबासीको आर्थिक र सामाजिक स्तरोन्नतिको लागि यस किसिमको बिक्री केन्द्र संचालन हुन लागेको कुरा जानकारी गराउनु भयो। अबको आउदो आर्थिक वर्षमा नगरको अन्य मुख्य बजार तथा चोक हुदै भविष्यमा उपत्यका र उपत्यका बाहिर पनि चन्द्रागिरि नगरपालिकाको स्थानीय उत्पादनलाई बजार व्यवस्थापन गर्न नगरपालिकाले विशेष पहल गर्ने कुरा पनि नगर प्रमुखज्युले बताउनु भयो। नगरपालिकाको यस किसिमको बिक्री केन्द्रमा नगरपालिकाले स्थान तथा पूर्वाधार व्यवस्थापन गर्ने छ भने संचालक समितिले बाकी व्यवस्थापकिया कार्य गर्ने नगर प्रमुखकाे सचिवालयले जनाएकाे छ ।