काठमाडौं महानगरपालिकाका मेयर बालेन्द्र शाह (बालेन)की शिक्षा सल्लाहकार रेशु अर्यालले राजीनामा दिएकी छिन् । बालेनको कार्यशैलीप्रति असन्तुष्टि व्यक्त गर्दै सामाजिक संजालमार्फत आफूले राजीनामा दिएको बताएकी हुन् ।
१० महिनाअघि महानगरको शिक्षा सल्लाहाकार रूपमा अर्याललाई नियुक्त गरिएको थियो। उनले मेयर बालेनको प्रत्यक्ष निर्देशनमा चालिएका पछिल्ला केहि कदम र निर्णय तथा निर्णय लिने तरिका आफ्नो मुल्यमान्यता विपरीत भएको लेखेकी छिन् । यसकासाथै मेयर बालेनका ती निर्णयले उनलाई व्यक्तिगत रूपमा पनि प्रभाव पार्दा स्वार्थको द्वन्द्व उत्पन्न भएको भन्दै अर्यालले राजीनामा दिएकी हुन् ।
उनले महानगरको शिक्षा सल्लाहकारको रूपमा १० महिना काम गर्दा आफ्नो क्षमताले भ्याएसम्मको सेवा गरेको र आगामी दिनमा पनि उनले सार्वजनिक शिक्षाको क्षेत्रमा सुधार गर्न लागिरहने बताएकी छिन् ।
यसकासाथै अर्यालले मेयर बालेनलाई उनको मतदाता र एक नागरिकका हिसाबले सधैँ लोकतान्त्रिक अभ्यास परामर्श रोज्न, उचित लगनशीलता र विधिको शासन तथा स्थानीय सरकारका सीमितताहरूको पालना, निर्णयहरू घोषणा गर्नु अघि विषयहरूको पूर्ण अनुसन्धान गर्न र नागरिकहरूमाथि भयको शासन नभएर स्वस्थ,लोकतान्त्रिक र दयालु समाज निर्माण गर्न अनुरोध गरेकी छिन् ।
उनले राजधानीमा सञ्चालित छात्रवृति नदिने विद्यालयहरुको नामावली प्रशासन प्रति असहमति राख्दै आएको बातइएको छ । मेरो लगानीबाट
प्रतिक्रिया