सशस्त्र प्रहरी बल प्रस्तावित सुरक्षा गुल्म बीरगञ्ज पर्साले साढे एक करोडभन्दा बढि मुल्य बराबरको तस्करी सामान नियन्त्रण गरेको छ । गुल्मले एक करोड ५७ लाख १२ हजार तीन सय ५५ रुपैयाँ बराबरको भन्सार छलि गरेर भारतबाट लुकीछिपी नेपाल तर्फ ल्याउँदै गरेको अबैध सामान समातेको हो । समातिएको सामान सशस्त्र प्रहरीले भन्सार शाखामा बुझाएको छ ।
सशस्त्र प्रहरी बल प्रस्तावित सुरक्षा गुल्म विओपी वीरगंजले चैत्र महिना देखि जेठ मसान्तसो मुल्य बराबरको अवैध सामान पक्राउ गरी बीरगंज भन्सारमा बुझाएको हो । तीन महिनाको अवधिमा वीरगंज महानगर पालिकाको बसपार्क, इनरुवा, छपकैया, परवानीपुर, गण्डक, नगवा, ड्राईपोर्टलगायतका स्थानहरुबाट तस्करहरुले भन्सार छलेर नेपाल तर्फ ल्याउँदै गरेको अवस्थामा नियन्त्रणमा लिएको सशस्त्र प्रहरी बल सुरक्षा गुल्म भन्सार बीरगंजका प्रमुख गुल्म पती सशस्त्र प्रहरी नायव उपरिक्षक रामजंग पाण्डेले बताएका छन् ।
सशस्त्र प्रहरीले नियन्त्रणमा लिएको अबैध सामानहरुमा साडी, कुर्ता सुरवाल, सटिङ सुटिङको कपडा, कामाख्या सिन्दुर, मोबाईल पार्टस, काजु, स्याउ, जुता चप्पल ,कस्मेटिक सामान गाडीको टायरलगायतका छन् ।
चकलेट मोवाइलको ब्याट्री किराना सामान हार्डवेयर मोटर पार्टस फोटोकपी पेपर इलोक्ट्रोनिक सामान बटर किरीम मोबिल पेन्ट भैसी र पाडा कुखुराको चल्ला र एउटा पिकअप गाडी मोटर साइकल स्कुटी टेम्पो लगायत खाधान्न सामानहरु नियन्त्रणमा लिई अबैध सामान भन्सारलाई बुझाएको हो ।
अबैध सामानहरु बीरगंज भन्सार कार्यालयमा बुझाएको सशस्त्र प्रहरी बल प्रस्तावित सुरक्षा गुल्मका प्रमुख एवम गुल्म पती सशस्त्र प्रहरी नायव उपरिक्षक पाण्डेले बताएका हुन । सशस्त्र प्रहरीले नियन्त्रणमा लिएको अबैध सामानहरु मध्ये ८२ लाख २८ हजार दुई सय १५ रुपैयाँ मुल्य बराबरको लता कपडा ठुलो तथा साना सवारी साधन र हार्ड वेयर मात्र रहेको सशस्त्र प्रहरी नायव उपरिक्षक पाण्डेले जानकारी दिए ।
सशस्त्र प्रहरी बल प्रस्तावित सुरक्षा गुल्म बीरगंज पर्साले चैत्र महिनामा ३६ लाख दुर्य हजार एक सय पाँच रुपैयाँ बराबरको अबैध सामानहरु नियन्त्रणमा लिएको थियो । यस्तै बैशाखमा ७० लाख दुई सय २० रुपैयाँ मुल्य बराबरको तस्करी सामानहरु नियन्त्रणमा लिएको जनाको छ । जेठ महिनामा ४८ लाख ५० हजार नौ सय ४० रुपैयाँ मुल्य बराबरको तस्करीको सामानहरु नियन्त्रणमा लिएको डिएसपी रामजंग पाण्डेले बताएका हुन ।
प्रतिक्रिया