दुई पटकको विश्व विजेता वेस्ट इन्डिजसँग नेपालको पराजय

एकदिवसीय विश्वकप छनोट क्रिकेट प्रतियोगितामा नेपाल वेस्ट इन्डिजसँग १०१ रनले पराजित भएको छ । बिहीबार हरारे क्रिकेट मैदानमा भएको खेलमा नेपाल दुई पटकको विश्व विजेता वेस्ट इन्डिजसँग पराजित हुन बाध्य भएको हो ।

वेस्ट इन्डिजले दिएको ३४० रनको विशाल लक्ष्य पछ्याउने क्रममा नेपाल ४९।४ ओभरमा जम्मा २३८ रन बनाएर अलआउट भयो । ब्याटिङमा नेपालका आरिफ शेखले ६३, गुल्सन झाले ४२, करन केसी र आसिफ शेखले २८–२८, रोहित पौडेलले ३०, दीपेन्द्र सिंह ऐरीले २३ रन बनाउनु बाहेक अरु खेलाडीले दोहोरो अंकको रन बनाउन सकेनन् ।