असार २४ गते अघिनै सम्पूर्ण भुक्तानी गरीसक्न महालेखाको निर्देशन

महालेखा नियन्त्रण कार्यालयले चालु आर्थिक वर्ष २०७९र८० मा गर्नुपर्ने भुक्तानी असार २४ गतेभित्रै गरीसक्न निर्देशन दिएको छ। कार्यालयले सोमबार नै कोष तथा लेखा नियन्त्रक कार्यालय र प्रदेश लेखा नियन्त्रक कार्यालयलाई यस्तो निर्देशन दिएको हो।

आर्थिक कार्यविधि तथा वित्तीय उत्तरदायित्व नियमावली २०७७ अनुसार आर्थिक वर्ष समाप्त हुनु भन्दा ७ दिन अगाडि नै निकासा भुक्तानी नहुने र प्रणाली समेत बन्द हुने महालेखाले जनाएको छ। यसबीचमा नियमले निर्दिष्ट गरेको कामका लागि बाहेक सबै भुक्तानी बन्द हुने छ।

उक्त नियम स्थानीय तह र प्रदेशको हकमा समेत लागु हुने महालेखाले जनाएको छ।