जातिय विभेद हटाउन नेतृ हिसिला यमीको माग

अन्तरजातिय विवाह गरेको भन्दै जुम्लाको तातोपानि गाँउपालिका गैर दलितहरुले दलितको घर भत्काएको विरोधमा आज राजधानीमा जातिय विभेद हटाउन अपिल गर्दै दवाव कार्यक्रम सम्पन्न भएको छ ।

नेपाल समाजवादी दलित मुक्ति संगठनको आयोजनामा विभिन्न संघ संगठनहरुको सहभागितामा जातिय विभेद विरुद्ध विरोध सभा सम्पन्न भएको हो । कार्यक्रममा पूर्व मन्त्री तथा नेृत हिसिला यमीले सम्पुर्ण दलित समुदायहरु एक जुट भई यस्ता घटनाहरु बारम्बार दोहोरीने गरेको भन्दै आगामी दिनमा नदोहोरिन सरकारको ध्यानर्कषण गराएकी छन् । नेतृ यमीले राज्यस्तरबाटै जादिय विभेद हटाउनको लागि अपिल गरेको निरन्तर दोहोरिनु निकै दुखद भएको बताएकी छन् ।

असार १५ गते जुम्लामा भएको जातिय विभेदको घटनामा संम्लगन दोषीहरुलाई कडा कानूनी कारवाहीको साथै तत्काल उचित क्षतिपूर्तिको माग गर्दै आन्दोलन गरिएको मोर्चाका महासचिव राजु रोक्काले बताएका छन् । मुकुन्द नेपाली र बसन्ति गिरीबीच प्रेम भयको विषयलाई लिएर गिरिका आफ्न्तहरुले नेपालीको घर समेत भत्काएका थिए ।

उनीहरुलाई छुटाउन मारकाटको धम्किसंगै जातिय भेदभाबको बिषय उठाई मुकुन्द नेपालीको दाजु र बहिनीलाई गाँउबाट समेत निकाला गरेका थिए । नेपालीको घरसहित सबै सम्पत्ती जलाई गिरी परिवारले नष्ट गरिदिएका थिए ।