एक लाख रुपियाँ घुस लिएको आरोपमा लेखा अधिकृत पक्राउ

अख्तियार दुरुपयो अनुसन्धान वर्दिवासबाट खटिएको टोलीले लहानस्थित सडक डिभिजन कार्यालय लहानका लेखा अधिकृत पदम विनोद पोखरेल एक लाख घुस रकमसहित पक्राउ गरेको छ ।

बेलुका पाँच बजेतिर आएको अख्तियारको टोलीले लेखा अधिकृत पोखरेलको कोठामा रहेको ओछयानमुनिबाट घुस लिएको रकमसहित पक्राउ गरिएको हो ।

एक जना ठेकेदारसँग पुरानो बिल भर्पाइ अनुसारको रकम निकासाको लागि एक लाख रकम घुस मागिएको थियो । पक्राउ गरिएको लेखाअधिकृत पोखरेललाई अख्तियार दुरुपयोग अनुसन्धान आयोग पक्राउ गरी बर्दिवास लगिएको मुचुल्कामा हस्ताक्षर गर्न गएका लहान–७ का वडाध्यक्ष राम औतार शर्माले बताउनुभयो ।

सञ्चारकर्मीहरुसँग प्रतिक्रिया दिँदै शर्माले भन्नुभयो,‘‘रकम बरामद भएकै हो तर लेखा अधिकृत पोखरेल घुस लिएको पत्यार उहाँसँग परिचित व्यक्तिहरुलाई नभइरहेकाले यसको सहि सत्य अनुसन्धान हुन आवश्यक छ ।’

आयोगका सहायक प्रवक्ता देवी प्रसाद थपलियाले सो घटनको पुष्टि गर्दै पोखरेललाई नियत्रणमा लिइएको पत्रकार जीवछ यादवले जानकारी दिनुभयो ।