प्रधानमन्त्री प्रचण्डकी पत्नी सिता दाहालको निधन

नेकपा माओवादी केन्द्रकी सल्लाहकार एवं पार्टी अध्यक्ष तथा प्रधानमन्त्री पुष्पकमल दाहाल प्रचण्ड की जीवनसंगिनी सीता दाहालको निधन भएको छ । आज बिहान ८ बजेर ३३ बजेमा असामयिक निधन भएको प्रधानमन्त्री प्रचण्डको सचिवालयले जनाएको छ ।

उहाँको पार्थिव शरीर श्रध्दाञ्जलीका लागि ११ बजेदेखि १ बजेसम्म पार्टी केन्द्रीय कार्यालय पेरिसडाँडा, कोटेश्वरमा राखिने भएको हो । २ बजे पशुपति आर्याघाटमा अन्तिम संस्कार गरिने माओवादी पार्टी कार्यालयले जनाएको छ ।
लामो समय देखि विरामी रहनुुभएको दाहालको ६९ वर्षको उमेरमा निधन भएको हो । उहाँका एक छोरी र एका छोराको निधन भैसकेको छ भने अब दुई छोरी र श्रीमान प्रचण्ड हुनुहुन्छ ।