काठमाडौं जिल्लामा सञ्चालन भएको निजी विद्यालय मध्ये ज्ञानकुण्ड विद्या मन्दिर काठमाडौं एसइई परीक्षामा सर्वोकृष्ट भएको छ । नागार्जुन नगरपालिका वडा नम्बर १० स्युुचाटारमा सञ्चालन भएको यस विद्यालय २०७९ को विश्लेषित नतिजाको आधारमा ८ सय २९ विद्यालयहरु मध्ये काडमाडौ कै उतकृष्ट १ मा परेको हो ।
प्याब्सनको सदस्य रहेको यस विद्यालयमा नयाँ व्यवस्थापनका साथ सञ्चालनमा आएपछि विद्यालयले राम्रो नतिजा दिन सफल भएको विद्यालय व्यवस्थापन समितिका अध्यक्ष कृष्ण अधिकारीले बताए । शैक्षिक क्रियाकलापहरुलाई सुधार गर्दै व्यवहारिक र पारिवारिक रुपमा सैद्धान्तिक सिकाईकै कारण सफल नतिजा आएको सञ्चालक तथा शिक्षिका शान्ति कार्कीले बताईन ।
विद्यालय उत्कृष्ट १ मा आउनुमा विद्यार्थीको मेहेनत अभिभावकको लगानी र विश्वास तथा विद्यालयको निरन्तर पढाई प्रतिको उत्तरदायित्वको प्रतिफल भएको सह प्रिन्सिपल पार्वती कुंवरको भनाई छ । सन् २००७ मा स्थापित यस विद्यालय विगत २ वर्षदेखि नयाँ व्वस्थापनका साथ सञ्चलनमा आएसंगै पढाईको गुणस्तरलाई सुधार गरिएको विद्यालयका प्रिन्सिपल गोपाल प्रसाद कँडेलले बताए ।
शिक्षा तर्फका संयोजक रुद्र मल्लले एसईइको नतिजाले आफुलाई खुशी थपेको भन्दै आगामी दिनमा हाम्रो टिमलाई यस नतिजा टिकाई राख्न चुनौतिसंगै अवसर समेत प्राप्त भएको बताए । एसईइमा सहभागी भएका सबै विद्यार्थीले औसतमा ३ दशमलव ८५ जिपिए भन्दा माथि अंक प्राप्त गरी सर्वोकृष्ट भएको थिए । प्लेगु्रप देखि कक्षा १० सम्म पढाई हुने यस विद्यलायमा झण्डै २ सय विद्यार्थी अध्ययन गर्ने गरेका छन् ।
प्रतिक्रिया