मन्त्रीको गाडीमा आगजनी

संघीय सरकारका भौतिक पूर्वाधार तथा यातायात मन्त्री प्रकाश ज्वाला सवार गाडीमा आगजनी भएको छ । पार्टीको केन्द्रीय समिति बैठकमा भाग लिन गएका बेला मन्त्री सवार गाडीमा आगजनी भएको बताएको छ । शुक्रवार सिंहदरबार मन्त्रालयबाट ललितपुरमा जारी केन्द्रीय समिति बैठकमा भाग लिन गएका समयमा आगलागी भएको हो ।

मन्त्री ज्वाला ओर्लिएपछि अज्ञात समूहले गाडीमा आगो लगाएर ध्वस्त पारेको बताइएको छ । उनले आफूलाई चालकले छोडेर सिंहदरबार जानेक्रममा आगजनी भएको ज्वालाले बताएका छन् ।

‘म मन्त्रालयबाट निस्किएर पार्टीको मिटिङमा गएको थिएँ । रातोपाटीका अनुसार चालकले छोडेर बाहिरिने बेला आगो लगाएछन् । म अहिले पार्टीको मिटिङमै छु’, उनले भने ।
रोजगार अनुमति प्रणाली ईपीएस परीक्षाको विषयलाई दिएर युवाहरूले बालकुमारीमा प्रदर्शन गरेका थिए । त्यसक्रममा उनीहरुले मन्त्री ज्वालाको बा २ झ ५८६१ नम्बरको गाडीमा आगजनी गरेको हुन सक्ने प्रहरीको अनुमान छ ।
बालकुमारी क्षेत्र तनाव अवस्थामा केहि सेल अश्रुग्यास प्रहार गरि नियन्त्रणमा लिने प्रयास भएको प्रहरीको भनाई छ ।