नेपाली कांग्रेसका वरिष्ठ नेता डाक्टर शेखर कोइरालाले राजनीतिक हस्तक्षेप भएका कारण विश्वविद्यालयमा सुधार हुन नसकेको ठोकुवा गर्नुभएको छ । सुनकोशी इन्द्रावती समाजले बिहिवार बिपी कोइराला लायन्स तथा अध्ययन केन्द्र महाराजगञ्जमा आयोजित ‘सम्मान एवं प्रमाणपत्र वितरण’ कार्यक्रममा उहाँले विश्वविद्यालय सुधारका लागि राजनीतिक हस्तक्षेप त्याग्नुपर्नेमा जोड दिनुभएको हो ।
“हामीले अहिले मुलुकमा १७ विश्वविद्यालय खोल्यौँ भनेर गर्व गछौँ तर उक्त विश्वविद्यालयमा विद्यार्थी छन् कि छैनन् भनेर सोच्नुपर्ने बेला आएको छ”, उहाँले भन्नुभयो । नयाँ सोच लिएर अगाडि बढ्न नसके सबै विश्वविद्यालय धरापमा पर्ने अवस्था आएको उहाँको भनाइ छ ।
उहाँले त्रिभुवन विश्वविद्यालयको अन्तर्राष्ट्रिय मान्यता र गुणस्तरीय शिक्षा हराउँदै गएको भन्दै चिन्ता व्यक्त गर्नुभयो । उहाँले देशलाई विकास गर्दै मुलुकमा रोजगारी सिर्जना गर्नका लागि अहिलेको अवस्थामा समयसापेक्ष शिक्षा कस्तो बनाउने भन्ने कुरामा सरकारले विचार पुर्याउनुपर्ने बताउनुभयो । उहाँले मुलुकमा राम्रो शिक्षा दिन नसकेका कारण हरेक वर्ष लाखौं विद्यार्थी पलाउन भएको समेत बताउनुुभयो ।
(पुरा भिडियोका लागि)
प्रतिक्रिया