तरकारी खेती प्रर्वद्धन कार्यक्रम सम्पन्न

चन्द्रागिरी नगरपालिका कृषि विकास शाखाले आयोजना गरेको तरकारी खेती प्रर्वद्धन कार्यक्रम सञ्चालन सम्बन्धी कृषकस्तरीय अभिमुखिकरण कार्याशाला सम्पन्न भएको छ ।

आज सम्पन्न भएको कार्यक्रममा नगर उपप्रमुख बसन्ती श्रेष्ठले कृषकका समस्या र आवश्यकतालाई समाधान गर्ने गरि सम्बन्धीत निकार्यलाई सघाउन आग्रह गर्नुभयो । श्रेष्ठले कृषकलाई उच्च प्राथमिकतामा राखेर केन्द्रियस्तरका कार्यक्रमहरुमा समेत जोडेर काम गर्नुपर्ने भन्दै कृषि नै मुख्य जीवनको आधार भएकाले सरोकारवाला पक्ष गम्भीर भएर सक्रिय भई लाग्नुपर्ने धारणा राख्नुुभयो ।

सो कार्यक्रममा चन्द्रागिरी नगरपालिकाकी नगर उपप्रमुखसहित, कृषि मन्त्रालयका उपसचिव डा. प्रदुन्न पाण्डे, प्रधानमन्त्री कृषि आधुनिकिकरण परियोजना कार्यान्वय इकाई भक्तपुरका प्रमुख चुडामणी भट्टराई, वडा अध्यक्ष तथा जनप्रतिनिधिहरु, चन्द्रागिरी नगरपालिका कृषि विकास शाखा प्रमुख रामप्रसाद न्यौपाने, चन्द्रागिरी नगरपालिका पशु सेवा शाखा कार्यालयका प्रमुख बद्रि पौडेल, कृषि अधिकृत सुवास शाही, कृषकलगायत सहभागी हुनुभएको हो ।