सरकारले काठमाडौँ महानगर पालिकाको प्रमुख प्रशासकीय अधिकृतमा सह सचिव प्रदीप परियारलाई पठाएको छ।
मन्त्रिपरिषद्को बैठकले पर्वत फलेवास खानीगाँउ स्थायी घर भएका परियारलाई महानगरमा पठाउने निर्णय गरेको हो। महानगरका प्रमुख प्रशासकीय अधिकृत बसन्त अधिकारीलाई मधेसी आयोगमा सरुवा गरिएको छ।
पछिल्लो समय महानगरपालिका प्रमुख बालेन्द्र शाह बालेन र अधिकारीबिच खटनपन सुरु भएको थियो। शाहले अधिकारीलाई जसरी पनि महानगरबाट हटाउन चाहेका थिए । अधिकारीलाई सरुवा गर्नको लागि उनलाई बिदामा बस्न लगाइएका समेत थिए ।
महानगर अन्तर्गतको सहरी स्वास्थ्य प्रवर्द्धन केन्द्रमा कर्मचारी नियुक्त गर्ने विषयमा कार्यपालिकाले गरेको निर्णय किर्ते गरेको आरोप अधिकारीमाथि लागेको छ। सो घटना पछि साहले गृहमन्त्री नारायणकाजी श्रेष्ठलाई टेलिफोन गरी तत्काल अधिकारीलाई पक्राउ गर्नसम्म भनेका थिए।
शाहको सचिवालयमा कार्यरत भगवती बिडारीको छोरीलाई जागिर खुवाउन अधिकारीले कार्यपालिकाको निर्णय किर्ते गरेका थिए। यस घटनामा बालेनले निजी सचिव नुर निधि न्यौपाने, वरिष्ठ अधिकृत भगवती विडारी तथा स्वास्थ्य सेवा प्रमुख रामप्रसाद पौडेललाई निलम्बन गरेका छन्। कार्यपालिकाको निर्णय किर्ते गरेको विषयमा साहले सहरी योजना आयोगका उपाध्यक्ष डा. सुमननरसिंह राजभण्डारीको संयोजकत्वमा ३ सदस्यीय छानबिन समिति गठन गरेका छन्। हाल सरुवा भएका महानगरका प्रमुख प्रशासकीय अधिकृत युवा हुनुका साथै हालका सहसचिव मध्ये कान्छा समेत हुन । महानगरमा मेयर, उपमेय र प्रशासकिय अधिकृत युवा नै भएकाले महानगरको काममा सहकार्य गर्न सहज हुने अभिकासले अपेक्षा लिएका छन् । महानगरले लिनृ नीतिले समेत संमग्र राज्य र राजधानीको विकास मोडलमा प्रभाव पर्ने आकलन गरिएको छ ।
प्रतिक्रिया