चिनियाँ एप टिकटक विरुद्ध अमेरिकामा हजारौं अभिभावकले मुद्दा दायर गरेका छन् । ५ हजार भन्दा बढी अभिभावकहरूले टिकटक एपले किशोर किशोरीहरूको मानसिक स्वास्थ्यमा प्रतिकूल प्रभाव पारेको भन्दै मुद्दा दायर गरेका हुन्।
टिकटक कुनै समय अमेरिकामा यसको मनोरञ्जनात्मक सामग्रीको लागि अत्यन्त लोकप्रिय थियो । द गार्डियनले टिकटकलाई डिजिटल युगको सुर्तीभन्दा पनि खतरनाक लागुपदार्थको रूपमा वर्णन गरेको छ।
किशोर किशोरीको मानसिक स्वास्थ्यमा आएको ह्रासका लागि एपलाई जिम्मेवार ठहर गर्दै यस विरुद्ध अनुसन्धान पनि भइरहेको छ । वेबसाइट क्लेम्सहीरोडटआइओद्वारा नेतृत्व गरिएको टिकटक विरुद्ध कानुनी कारबाहीले अहिले गति पाइरहेको छ। हजारौं अभिभावकहरूले चिनियाँ स्वामित्वको कम्पनीको विरुद्ध जवाफदेहिताको माग गरिरहेका छन्।
अमेरिकाको कनेक्टिकट राज्यको हर्टफोर्ड निवासी ब्रिटनी एडवार्ड्स टिकटक विरुद्ध मुद्दा दायर गर्ने अभिभावकहरूमध्ये एक हुन्। एडवर्ड्सकी १२ वर्षकी छोरी टिकटकको लतमा छिन्। उनले टिकटकमा छोरीले आफैलाई हानी पुर्याउन सक्ने किसिमको पोष्ट दिएको देखे । त्यसपछि उनले यस एपको कालो पक्षको बारेमा थाहा पाए।
टिकटकले सीमित गयो अभिभावक अधिकार
टिकटकले २०२३ जुलाईमा एक विवादास्पद कदम उठाउँदै नियम लागू गरेको मुद्दामा दाबी गरिएको थियो । यसमा कुनै पनि अभिभावकले आफ्नो बच्चाले टिकटकमा खाता खोलेको एक वर्षपछि प्लेटफर्म विरुद्ध कुनै दाबी गर्न नपाउने प्रावधान थियो।
भयानक सत्यको उजागर
एम्नेस्टी इन्टरनेशनलले टिकटकमा रहेको सामग्रीको प्राविधिक अनुसन्धानले भयानक सत्य उजागर गरेको बताएको छ । टिकटकको सामाग्री सिफारिस प्रणालीले प्रयोगकर्ताहरूलाई हानिकारक सामग्रीको (याबिट(होलसम्म पुर्याएको अनुसन्धानले पत्ता लगाएको छ। (याबिट(होल सामाग्री साधारण देखिए पनि धेरै खतरनाक छ। हालसालै, अमेरिकामा एक १६ वर्षीय किशोरले टिकटकमा हिंसात्मक भिडियो हेरेपछि आत्महत्या गरेका छन्।-एजेन्सी
प्रतिक्रिया