भेहिकल एकेडेमी एण्ड रिसर्च सेन्टर प्रा.लि. गुर्जुधाराबाट अटिजम केयर सेन्टरलाई आर्थिक सहयोग हस्तान्तरण गरेको छ । भेहिकल एकेडेमी एण्ड रिसर्च सेन्टर प्रा.लि.का सञ्चालक रामनारायण घिमिरेले अटिजम केयर सेन्टरलाई सहयोग रकम हस्तान्तरण गर्नुभएको हो ।
महिला उत्प्रेरणा विकास मञ्चद्धारा सञ्चालित अटिजम, बौद्धिक अपांगता केयर सेन्टरकी सञ्चालिका गीता कुमारी घिमिरेलाई २० हजार रुपैयाँको चेक हस्तान्तरण गर्नुभएको हो ।
चन्द्रागिरी नगरपालिका वडा नम्बर १२ गुर्जुधारा सञ्चालित भेहिकल एकेडेमी एण्ड रिसर्च सेन्टर प्रा.लिबाट मोटरसाइकल, स्कुटर, हलुका तथा हेभी सवारी साधनको सिकाई प्रशिक्षण तथा ट्रायल सेवा समेत सञ्चालन हुदै आएको छ ।
देव दर्शन बचत तथा ऋण सहकारी संस्था लिमिटेडका अध्यक्ष समेत रहनुभएका घिमिरेले अटिजम केयर सेन्टर स्थापनाको अवसरमा आफ्नो जन्मदिन पारेर सो सहयोग रकम घोषणा गर्नुभएको थियो । 
भेहिकलका सञ्चालक तथा समाजसेवी रामनारायण घिमिरेले अटिजम भएका बालबालिकाहरुको शिक्षण सिकाई प्रक्रियामा समस्या भैरहेको अवस्थामा उनीहरुको आवतजावत सहज होस भनेर सवारी साधन खरिदको लागि आर्थिक सहयोग गर्नुभएको हो । घिमिरेले अटिजम भएका बालबालिकाहरुको हेरचाह गर्न असहज भएको अवस्थामा आफुहरुको सानो सहयोगले समेत टेवा पुग्ने विश्वास व्यक्त गर्नुभयो ।
अटिजम केयर सेन्टर सञ्चालन गर्न निकै खचिलो भएको अवस्थामा मनकारी व्यक्तित्व, सामाजिक संघसंस्था तथा समूहहरुको सहयोगमा मात्र अटिजम भएका बालबालिकाहरुलाई हेरचाह गर्न सहज भई उनीहरुको दैनिक व्यवहारका साथै जीवनशैली परिवर्तनमा सहर्जता ल्याउन सकिने भएकाले सबैलाई सक्दा सहयोग गर्न अध्यक्ष घिमिरेले आग्रह गर्नुभयो ।
चन्द्रागिरी नगरपालिकामा मात्र ५७ जना भन्दा बढि अटिजम भएका बालबालिका रहेको तथ्यांक छ ।
प्रतिक्रिया