महेन्द्रनगरका दम्पत्तीले वैवाहिक वर्षगाठको अवसरमा अटिजम सेन्टरलाई सहयोग

वैवाहिक वर्षगाठ उत्सवको अवसरमा अटिजम केयर सेन्टर बलम्बुलाई एक जोडीले नगद सहयोग हस्तान्तरण गर्नुभएको छ । महेन्द्रनगर स्थायी घर भई चन्द्रागिरी नगरपालिका थानकोट बसोबास गर्ने किशोर भट्ट र ओहनमार थीले आफ्नो वैवाहिक वर्षगाठको अवसरमा सहयोग रकम हस्तान्तरण गर्नुभएको हो ।

आफ्नो वैवाहिक उत्सवमा अनावश्यक रुपमा रकम खर्च गर्नुभन्दा सामाजिक कार्यमा सहयोग गर्दा पुण्य प्राप्त हुने भन्दै सहयोग गरेको बताएको बताउनुभयो । महिला उत्प्रेरणा विकास मञ्चद्धारा सञ्चालित अटिजम, बौद्धिक अपांगता केयर सेन्टर बलम्बुलाई ७ हजार रुपैयाँ हस्तान्तरण गर्नुभएको हो । दम्पत्ती किशोर भट्ट र ओहनमार थीकी छोरी कृतिका भट्ट यसै सेन्टरमा अध्ययनरत हुनुहुन्छ ।

यदि कसैले विभिन्न अवसरमा अटिजम, बौद्धिक अपांगता केयर सेन्टरलाई सहयोग गर्न चाहेमा ग्लोलव आइएमई बैंक लिमिटेड दहचोक शाखाको महिला उत्प्रेरणा विकास मञ्चको नाममा रहेको खाता नम्बर Women motivation development forum 39001010000028 मार्फत सहयोग गर्न सक्नु हुने छ ।