रौतहटको मौलापुर नगरपालिकामा सञ्चालित पतौरा पुरातात्विक महादेव मन्दिरमा सञ्चालित मधानी महायज्ञको खर्च विवरण सार्वजनिक भएको छ । बिश्व सम्पदा सूचिमा सुचीकृत गराउने र मधानी महायज्ञलाई अंतर्राष्ट्रीय स्तरमा पुर्याउने संकल्प सहित मौलापुर नगरपालिकाद्वारा फाल्गुण २२ गते देखि २६ गते सम्म ५ दिवसिय मधानी महोत्सवको खर्च विवरण सार्वजनिक गरेको हो ।
महायज्ञमा ७३ लाख रुपैयाँ खर्च भएको नगरपालिकालले जनाएको छ । यो महोत्सवमा भारतीय सुपरस्टार गोविन्दा, नेपाली सुपरस्टार पल साह, सुपरस्टार नायिका निलम गिरि, बिश्व चर्चित पहलवान बबिता फोगाट लगायत दर्जनौ प्रसिद्ध कलाकार तथा खेलाडीहरूको सहभागिता, बाबाधामको मुल पुजारीहरु र संस्कृत बिश्व बिधालयको आचार्यहरुले मन्दिरमा पुजा गराएका हुन । विशाल संख्यामा निकालिएको भगवान शिवको बारात यात्रा थियो र बिभिन्न शिव मण्डलीसहितको शिवलिला प्रदर्शन रहेको थियो ।
दुनियालाई तरंगित गर्ने यस्तो बिशाल कार्यक्रम यति कम रकममा भब्यताका साथ सम्पन्न हुनु मितब्यीता, सुशासन, पारदर्शिता र सदाचारको क्षेत्रमा उदाहरणीय बनेको छ । सरकारी निकायमा खर्च बिवरण माग्दा पनि नदिने अहिलेको परिवेशमा नगरपालिकाले आँफै खर्च विवरण सर्वाजनिक गर्नु आफैंमा सराहनीय एवं उदहरणीय कार्यको रुपमा स्थापित भएको सर्वसधारणको भनाई छ ।
मौलापुर नगरपालिका बिकास र सेवासुविधा उदाहरण मात्र नभई अब पारदर्शिता, जवाफदेहिता र सुशासनको क्षेत्रमा पनि प्रख्यात रहेको छ । यस नगरपालिकाले नागरिकको सेवा बापत केही पनि शुल्क र कर लिने गर्दैन । आधारभुत सेवा सुविधा पुर्णरुपमा नि:शुल्क दिदै आएको छ ।
प्रतिक्रिया