सुन तस्करी प्रकरणमा पक्राउ परेका नेकपा माओवादी केन्द्रका उपाध्यक्ष कृष्णबहादुर महरा नर्भिक अस्पताल भर्ना भएका छन् ।
महरालाई आज कपिलवस्तुको धकधईस्थित माओवादी नेता वकिल मुसलमानको घरबाट प्रहरीले नियन्त्रणमा लिएको थियो भने आजै दिउँसो गौतमबुद्ध अन्तर्राष्ट्रिय विमानस्थलबाट यती एयरको फ्लाइटमार्फत काठमाडौं ल्याइएको थियो । जिल्ला अदालत काठमाडौंले उनी बिरामी रहेको भन्दै अस्पताल भर्ना गराउन आदेश दिएपछि नर्भिक अस्पताल लगिएको हो ।
सुन तस्करी उच्चस्तरीय जाँचबुझ आयोगको प्रतिवेदनमा पुर्वसभामुख समेत रहेका महरालाई कारवाहीका लागि मुद्दा चलाउन सिफारिस गरिएको छ । सोही बमोजिम सिआईबीको टोलीले महरालाई निगरानीमा राखेको थियो । महराका छोरा राहुल महरा पनि भेपमा लुकाएर सुन तस्करी गर्ने समूहसँग मिलेर संगठित तस्करी गरेको आरोपमा थुनामा रहेका छन् ।
प्रतिक्रिया