राष्ट्रिय प्रजातन्त्र पार्टी (राप्रपा) की सांसद गीता बस्नेतलाई पक्राउ पुर्जी जारी भएको छ । जिल्ला प्रहरी कार्यालय नवरपुर कावासोतीले सांसद बस्नेतलाई पक्राउ पुर्जी जारी गरेको हो । प्रहरी कार्यालय कावासोती र वित्तिय विश्लेषक तथा छानबीनकर्ता निर्मल गौतमले अनुसन्धान गरेको छानविन प्रतिवेदनले निज बस्नेतको संरक्षणमा रकम हिनामिना गरेको तथ्य खुलेको हो ।
उनलाई जिल्ला प्रहरी कार्यालय कावासोतीबाट पक्राउ अनुमति समेत जारी भएको विशेष स्रोतले जनाएको छ । राप्रपा सांसद गीता बस्नेतलाई पक्राउ पुर्जी जारी गरी बैशाख १४ गते अनुमति दिएकोमा हाल फरार रहेकी छन् ।
बस्नेतले चितवनको सनराइन सहकारीबाट २० करोड, बदिर्याको नमस्ते सहकारीबाट ७ करोड र नवरपुरको कावासोतीको छिपछिपे उपभोेक्ता सहकारीबाट एक करोड भन्दा बढि उनका ज्वाई नगेन्द्रबहादुर रिमाल र उनीहरुका साथी मार्फत रकम निकासी गरेको खुलेको छ ।
बस्नेतले विभिन्न आफ्न्त र साथीहरु मार्र्फत सहकारीमा रहेको रकम गीता बस्नेत संलग्न रहेको बदिर्याको कृष्णसार रिसोर्ट प्रालिमा लगानी गरेको छानबीन प्रतिवेदन मार्फत अभियोग लगाईएको छ ।
राप्रपाले बर्दियाकी गीता बस्नेतलाई २०७९ सालको प्रतिनिधि सभामा समानुपातिक सांसद बनाएको हो । बस्नेतलाई तत्कालीन राजा ज्ञानेन्द्र शाहले बर्दियाको गुलरिया नगरपालिकाको नगरप्रमुखमा मनोनीत समेत गरेका थिए।
उनी लामो समयदेखि राप्रपामा सक्रिय महिला नेतृ हुन । उनी २०७४ को निर्वाचनमा गुलरिया वडा नम्बर ७ बाट वडाध्यक्षमा निर्वाचित समेत भैसकेकी थिइन ।
प्रतिक्रिया