त्रिभुवन अन्तर्राष्ट्रिय विमानस्थल कात्तिकमा दिनहुँ १० घण्टा बन्द गर्न लागिएको छ । विमानस्थलको धावनमार्ग विस्तार, ट्याक्सी वे, पार्किङ बे लगायतका काम गर्नुपर्ने भएकाले विमानस्थल बन्द गर्न लागिएको हो ।
आउँदो कात्तिक २३ गतेदेखि १८ चैतसम्म विमानस्थल राति १० बजेबाट बिहान ८ बजेसम्म बन्द हुने भएको छ । एक सूचना जारी गर्दै विमानस्थलले दैनिक १४ घण्टामात्र सञ्चालनमा रहने जानकारी दिएको हो । सो सूचनामा विमानस्थल कार्यालयले विमानस्थल पाँच महिनासम्म यसरी नै चल्ने जनाएको छ ।
अहिले त्रिभुवन अन्तर्राष्ट्रिय विमानस्थल बिहान ६ बजे खुल्छ भने राति २ बजेसम्म संचालन हुन्छ ।
प्रतिक्रिया