कृषि विकास बैंक लिमिटेडले सामाजिक उत्तरदायित्व अर्न्तगत अटिजम, बौद्धिक अपांगता केयर सेन्टरलाई आर्थिक सहयोग गरेको छ । चन्द्रागिरी नगरपालिका– १२ बलम्बुमा सञ्चालनमा रहेको अटिजम केयर सेन्टरलाई सहयोग गरेको हो । कृषि विकास बैंकका निमित प्रमुख कार्यकारी अधिकृत प्रताप सुवेदीले अटिजम भएका बालबालिकाहरुको हेरचाह, आधारभूत शिक्षण तथा सिकाइ कार्यका लागि आर्थिक सहयोग रकम हस्तान्तरण गरेको बताउनुभयो ।
महिला उत्प्रेरणा विकास मञ्चद्धारा सञ्चालित अटिजम केयर सेन्टर बलम्बुमा अहिले आशिक र नियमित गरि १५ जना भन्दा बालबालिका सिकाई प्रक्रियामा रहेका छन् । सहयोग हस्तान्तरण कार्यक्रममा कृषि विकास बैंक बजार व्यवस्थापक तथा वरिष्ठ अधिकृत लिला जिसी, कृषि विकास बैंक थानकोट शाखाका प्रमुख किरण गौतम, समाजसेवी किरण सिग्देल, पर्वतचन्द्रागिरी समाजका अध्यक्ष प्रेम क्षेत्री, कलाकार पवन अधिकारी, सहयोगदाता गौरी शंकर सापकोटा, छविलाल घिमिरे, अभिभावक तथा अन्य समाज सेवीहरुको सहभातिा रहेको थियो ।
कार्यक्रममा सेन्टरकी अध्यक्ष गिता घिमिरे, स्पेशल एजेकेटर रंगिला श्रेष्ठ संस्थाका सदस्यहरुलाई बैंकले सहयोग हस्तान्तरण गरेको हो । अटिजम केयर सेन्टर सञ्चालन भएको स्थल बलम्बुमा जानको लागि सहज होस भनेर कृषि विकास बैंकको सहयोगमा पुथ्वी राजमार्ग अन्र्तगत गुर्जुधारा चोकदेखि बलम्बु, पशुसेवा कार्यलय, चन्द्रागिरी वडा नम्बर १२, पुलको मुख र चन्द्रागिरी वडा नम्बर १ देखि अटिजम केयर सेन्टर सञ्चालनस्थलसम्म सडकमा अटिजम केयर सेन्टर जाने बाटो लेखिएका जानकारीमुलक ९न्यारेसन बोर्ड० प्लेट राखिएको थियो ।
प्रतिक्रिया