धान रोपेको बेलामा चट्याङ परेर बाँकेमा दुई जना मृत्यु, एक जना घाइते

धान रोपेको बेलामा चट्याङ परेपछि बाँकेमा दुई जना महिलाको ज्यान गएको छ भने एक जना महिला घाइते भएकी छिन् । बाँकेकोराप्ती सोनारी गाउँपालिका–२ कचनापुरको हरिहरपुर गाउँमा धान रोप्दै गर्दा क्रममा मङ्लबार दुई महिलालाई चट्याङ लागेको थियो ।

चट्याङबाट गम्भीर घाइतेको भएको दुवै जनाको कोहलपुर अस्पतालमा मृत्यु भएको इलाका प्रहरी कार्यालय कोहलपुरका प्रहरी नायबउपरीक्षक धर्मराज भण्डारीले जानकारी दिए ।

मृत्यु हुनेमा राप्ती साेनारी गाउँपालिकाकि ३२ वर्षीया सम्झना विक र ३२ वर्षीया वसन्ती उपाध्याय रहेका छन् । गम्भीर घाइते दुवैकोउपचारका क्रममा ज्यान गएको हो । 

चट्याङ लागेर गम्भीर घाइते भएकी  ३० वर्षीया सलिना बिकको कोहलपुरस्थित शिक्षण अस्पतालमा उपचार भइरहेको प्रहरीले जनाएको छ ।