काठमाडौं, असार २७ गते। प्रधानमन्त्री पुष्पकमल दाहाल ‘प्रचण्ड’की जीवन सङ्गीनी सीता दाहालको प्रथम स्मृति दिवसमा ‘श्रद्धाञ्जली’ कार्यक्रम आयोजना गरिएको छ ।
प्रधानमन्त्री निवास बालुवाटारमा बिहीबार आयोजित कार्यक्रममा प्रधानन्त्री प्रचण्डसहित उनका परिवारका सदस्यहरूले दाहालको तस्वीरमा पुष्पगुच्छा एवं माल्यार्पण गरेका छन् ।
उहाँको स्मरणमा ‘स्मृतिमा सीत दाहाल’ नामक पुस्तक विमोचन भएको छ ।
श्रद्धाञ्जली कार्यक्रममा माओवादी केन्द्रका उपाध्यक्ष एवं उपप्रधानमन्त्री नारायणकाजी श्रेष्ठ, उपाध्यक्षहरू अग्नी सापकोटा, पम्फा भुसाललगायत पार्टी पदाधिकारी, पार्टीका नेता, कार्यकर्ताहरूले श्रद्धाञ्जली अर्पण गरे ।
कार्यक्रममा प्रधानमन्त्रीको सचिवालयका सदस्यहरू, सरकारी कर्मचारी, नागरिक समाजका अगुवा एवं नागरिकको उपस्थिती रहेको थियो ।
माओवादी केन्द्रका केन्द्रीय सल्लाहकारसमेत रहेकी दाहाल विसं २०२८ देखि कम्युनिष्ट आन्दोलनमा लागेकी थिइन् भने विसं २०५२ देखि पार्टी प्रचण्डले नेतृत्व गरेको जनयुद्धमा सहभागी भएकी थिइन् ।
प्रतिक्रिया