राप्रपा संसदीय दलको बैठक बस्दै

राष्ट्रिय प्रजातन्त्र पार्टी (राप्रपा) को संसदीय दलको बैठक आज बस्दैछ । सरकारलाई विश्वासको मत दिने वा नदिने विषयमा निर्णय गर्न संसदीय दलको बैठक बोलाएको राप्रपाले जनाएको छ ।

बैठक दिउँसो २ बजे सिंहदरबारमा बस्नेछ । प्रधानमन्त्री पुष्पकमल दाहाल ‘प्रचण्ड’ले भोलि विश्वासको मत लिँदै हुनुहुन्छ । मुलुकलाई हिन्दू राष्ट्र कायम गर्नुपर्ने, संघीयता खारेज गर्नुपर्ने लगायत माग राख्दै आएको राप्रपाको प्रतिनिधिसभामा १४ सिट रहेको छ ।

राप्रपाले यसअघि कांग्रेस–एमाले सहमतिलाई स्वागतयोग्य भनेको थियो ।