मधेस प्रदेश सरकारले असार २८ गते त्रिशूली नदीमा बस दुर्घटनामा परेका मधेस प्रदेशका मृतकका परिवारलाई एक लाख रुपैयाँका दरले राहत दिने भएको छ । मधेस प्रदेशका मुख्यमन्त्री सतिशकुमार सिंहले मधेस प्रदेशका जिल्लाका मृतकका पीडित परिवारलाई प्रतिव्यक्ति एक लाखका दरले राहत उपलब्ध गराउने बताएका हुन् ।
‘दुर्घटनामा परी ज्यान गुमाउने मधेसका जिल्लाका पीडित परिवारलाई राहत दिने घोषणा गरेका छौ’, मुख्यमन्त्री सिंहले भन्नुभयो, ‘मुख्यमन्त्री कार्यालयले घोषणा गरिसकेको छ ।’
उहाँका अनुसार प्रमुख जिल्ला अधिकारीको सिफारिसका आधारमा सो राहत रकम प्रदान गरिने छ। साथै उहाँले दुर्घटनामा परी बेपत्ता भएकाहरूको खोज तथा उद्धारमा निरन्तर लाग्न संघीय सरकारलाई आग्रह गरेको जानकारी दिनुभयो ।
प्रतिक्रिया